Дөңгелек үстел қазақ жастарының 1986 жылғы «Желтоқсан көтерілісіне» 25 жыл толуы тақырыбына арналды. Биыл «Желтоқсан көтерілісіне» 25 жыл толады. Алайда арада ширек ғасыр өтсе де «Желтоқсан көтерілісі» туралы ақиқаттан гөрі жұмбағы көп. Ширек ғасыр ішінде ресми биліктің, қоғамның және сол көтеріліске тікелей қатысқан немесе оған бірлі-жарым қатысы бар тұлғалардың «Желтоқсан көтерілісіне» деген көзқарасы, пікірі өзгерді ме? Тәуелсіздіктің 20 жылдығында жастар көтерілісінің 25 жылдығы қалай атап өтілуі мүмкін? Азаттық радиосы өзінің дөңгелек үстелінде міне осы сауалдарға жауап іздеп көрді. Дөңгелек үстелдің қысқаша жазбаша мәтіні мен аудио-нұсқасын Азаттық радиосының Интернет-сайтынан оқып, тыңдауға болады.