Accessibility links

Көп сөзді қой, алтын балық!


Нұрлан Сәдір, Азаттық блог байқауының қатысушысы

Нұрлан Сәдір, Азаттық блог байқауының қатысушысы

Мынандай шалқар дариядан кейін шылапшын саған жалдамалы пәтердей болып көрінетін шығар. Квартиранттың санын көбейтіп қайтемін.

- Алтын балық, давай, бір-біріміздің басымызды қатырмайық. Арманым да тілегім де біреу – пәтерлі болу.

- Қазеке-ау, қазір-ақ орындаймын ғой. Тек тілектің де төресін неге қаламағаныңызға қайранмын. Мысалы, көп балам болса екен дегендей.

- Көкем-ау, үйім болса сенен сұрамай-ақ ол баланы өзім-ақ қамдамаймын ба?

- Сіздің орныңызда болсам саулық сұрар едім.

- Өй, саулық сол сыз пәтерді жалдап тұрғаннан болды ғой. Көп сөзді ғой! Пәтер бер!

- Әңгіме жоқ. Шынымен-ақ өзге тілегіңіз жоқ па? Әлі екі тілегіңіз бар ғой дегенім.

- Сен бір қазақша түсінбейтін мақұлық екенсің!

- Енді, мен шетел ертегісінің кейіпкерімін ғой

- А, бәсе, пәтерде қаңғығандарды алалайтын болып тұрсың ғой?

- Қазеке-ау, қазақ балық ауламаса мен олармен қалай жолығамын? Кез- келген өзен-көлдің жағасындағы балықшыға барып қарашы. Қаншасы қазақ екен?

- Қоймадың ғой, екінші тілегім - көршім жақсы болсын. Кеше жоғарыдағы көрші жер-жебіріме жетіп ұрсып кетті.

- Ойбай-ау, особняк сұрайтын болсаң саған көршіңнің қандай болғанынан келіп-кетер не бар?!

- А, солай екен ғой. Не сұраймын сонда? Иә, жалақымды кідіртпей беріп тұрса, әйтпесе, уақытынан кідіртсем қожайынның әйелі ... Мә, енді, төлеп қажеті жоқ екен ғой. О, Құдай-ау!

- Не болды?!

- Менің екі қарындасым да пәтер жалдап тұрады ғой! Давай, қалған екі тілекті солар айтсыншы, а? Алтын балық деймін. Неге үндемейсің?! Мә мынаны мен ұзақ ұстап қойдым-ау деймін. Өліп қалды. Жо-оқ, әлі тірі секілді. Қой, суына жіберейін.

- Қазеке-ау!!! Не істедің сен?! Тілегіңді айтып алмай неге жібердің?! Ең болмаса үйіңе апарып аквариумға сала тұрмадың ба? Жаным кіргесін қалағаныңды сұрайтын едің!

- Өй, мендегі қайдағы үй, қайдағы аквариум...

- Ең болмаса, тазикке салып ...

- Мынандай шалқар дариядан кейін шылапшын саған жалдамалы пәтердей болып көрінетін шығар. Квартиранттың санын көбейтіп қайтемін. Бақытты бол! Мен күнімді бірдеңе қылып көрермін

- Енді арманың менімен қайта жолығу болатын шығар?

- Жоқ, менің арманым – пәтерлі болу!

Сәдір НҰРЛАН

Азаттықтан: Бұл блогқа дауыс беру үшін Блог байқау парақшасына кіріп, сауалнамадағы автордың атын таңдаңыз және Facebook, Google+, Twitter мен МойМир арқылы ұнатып, я бөлісіңіз.

Оқырман пікірлері

XS
SM
MD
LG