Қыркүйектің аяғында Алматыдағы Саяси шешімдер институтында 2020 жылға дейінгі қазақ тілін дамытуға арналған бағдарлама талқыға салынды. Жиналған мамандар 10 жыл ішінде Қазақстанның 95 пайызын қазақ тілінде сөйлету мүмкін бе деген сұрақ жауап іздеп әлек болды. Жиын бастан аяқ орыс тілінде өтіп, бағдарламаның ұтымды және кемшін тұстары талқыланды.
Болатхан Тайжан қорының президенті Мұхтар Тайжан Қазақстанда тұратын қазақ бола тұра қалада қазақ тілінде сөйлеуде қиындықтарға тап болу дискриминацияның белгісі екенін айтты.
Ал Аспандау ғылыми білім қорының мүшесі Қанат Нұров «Ағылшын тілі – жаһандық шындық болса, орыс тілі – аймақтық шындық. Яғни мен бұрын көтерілген үш тілді саясатты жақтаймын. Себебі біздің басты мақсатымыз мемлекетті сақтап қалу» - деді.
Мемлекеттік тіл мәселелері оырс тілінде талқыға салынған жиында айтылған ой-пікірлерді толығымен хабарымыздан тыңдаңыздар.