Accessibility links

Путиннің сапары нені өзгертеді?


Қазақстан президенті Нұрсұлтан Назарбаев (оң жақта) пен Ресей президенті Владимир Путин. Астана, 15 қазан 2015 жыл.

Қазақстан президенті Нұрсұлтан Назарбаев (оң жақта) пен Ресей президенті Владимир Путин. Астана, 15 қазан 2015 жыл.

AzattyqLIVE хабарының қонағы экономист Меруерт Махмұтова Қазақстан мен Ресейдің алдағы қарым-қатынасы қалай боларын сөз етті.

Қазанның 15-і күні Астанада Қазақстан президенті Нұрсұлтан Назарбаев пен Ресей президенті Владимир Путин кездесті.

Назарбаев Путиннің Қазақстанға сапарын "ерекше оқиға" деп мәлімдеді, ал Путин "екі елдің қарым-қатынасы екі жақты жоспар аясында өте тиімді дамып жатқанын" айтты.

Нұрсұлтан Назарбаев пен Владимир Путин Каспий теңізінің солтүстік бөлігінің түбін бөлісу жөніндегі, Ресейдің Орынбор облысындағы Домбаровский ауданынан зымыран ату тәртібі туралы, авиациялық іздеу мен құтқару саласындағы ынтымақтастық жайлы, "Бипэк Авто Қазақстан" мен "АвтоВАЗ" компаниялары арасындағы стратегиялық әріптестікті кеңейту туралы келісімдерге де қол қойды.

Қоғамдық саясатты зерттеу орталығының директоры Меруерт Махмұтова (оң жақта) және журналист Қасым Аманжолұлы. Алматы. 16 қазан, 2015 жыл.

Қоғамдық саясатты зерттеу орталығының директоры Меруерт Махмұтова (оң жақта) және журналист Қасым Аманжолұлы. Алматы. 16 қазан, 2015 жыл.

Азаттықтың 16 қазан, жұма күні Астана уақытымен сағат 15:00-де өткізген AzattayqLIVE хабарында Ресей президентінің Қазақстанға мемлекеттік сапары талданды. ЕАЭО аясындағы әріптестіктің бүгіні мен болашағы, Кремль мен Ақорданың ендігі қарым-қатынасы да тікелей эфирде сөз болды.

Хабарға қоғамдық саясатты зерттеу орталығының директоры, экономист Меруерт Махмұтова қатысты.

Журналист Қасым Аманжолұлы жүргізген тікелей эфир видеосын төменнен көре аласыздар.

Бірінші бөлімі

Екінші бөлімі

Оқырман пікірлері

XS
SM
MD
LG