Accessibility links

Анасы: Курамшин түрмеде аштық жариялады


Вадим Курамшин сот залында. Тараз, 2 мамыр 2012 жыл.
Вадим Курамшин сот залында. Тараз, 2 мамыр 2012 жыл.

Солтүстік Қазақстан облысындағы түрмеде жазасын өтеп жатқан құқыққорғаушы Вадим Курамшиннің аштық жариялағаны туралы Азаттық тілшісіне құқыққорғаушының анасы Ольга Колтунова хабарлады. Ол Курамшинның бүгін наразылық шарасын бастайтыны туралы отбасына өткен бейсенбі күні телефонмен хабарлағанын айтты.

«Ұлым телефонмен сөйлесу құқығының бұзылмауын, ең бастысы – өзінің қылмыстық ісінің қайта қаралуын талап етеді. Ол осы жайында бұған дейін адам құқығы жөніндегі уәкілге талай мәрте шағым жазған. Бірақ ресми орыннан бірде-бір жауап келген жоқ, - дейді анасы.

Азаттық тілшісі құқыққорғаушы қамауда отырған Солтүстік Қазақстан облысы Горный кентіндегі ЕС-164/4 колониясына хабарласқанмен, телефон арқылы жауап ала алмады. Астанадағы адам құқығы жөніндегі уәкіл кеңсесінде де ешкім телефон қоңырауына жауап бермеді.

«Бопсалау» бабы бойынша 12 жылға сотталған Вадим Курамшин бұған дейін түрмедегі режимге қарсылық ретінде бірнеше мәрте аштық жариялаған еді.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG