Accessibility links

«Қашсаңшы, өлесің ғой, қасқа бала!»


16 желтоқсанда көтеріліс алаңында қазатапқан адам. Жаңаөзен, Маңғыстау облысы. Скриншот Ютуб сайтынан алынды.

16 желтоқсанда көтеріліс алаңында қазатапқан адам. Жаңаөзен, Маңғыстау облысы. Скриншот Ютуб сайтынан алынды.

Жаңаөзен бейнежазбасын көргенде…

Жаңаөзен ұқсамайды Астанаға,
Сұрқы мен ұсқыны да басқа қала.
Ысқырып Желтоқсанда оқ борады,
«Қашсаңшы, өлесің ғой, қасқа бала!!!»

Жырау жұрт Қыз Жібектің баянынан
Сыр шертіп жырлаушы еді баяғыдан.
Мұратын іздеген ұл - Төлегеннің
Жығылды қан сорғалап аяғынан!

Анасын есіне алып лашықтағы,
Еңбектеп алға ұмтылса – асыққаны…
Мұнайдан артық еді-ау сол баланың
Бір тамшы көз жасы мен қасық қаны!

Бота көз балғын қызы маң даланың
Бұлқынып бұғалықта,
Зарлаған үн...
Түтіні шудаланып аспанға ұшып,
Өзегін от шарпыды «Аруананың»!

...Кірісті қылмысты іске соттар бекем,
Ойласа Қыл көпірді тоқтар ма екен?..
Жаннатта болсын жаның, қасқа бала,
Сені де келер ұрпақ жоқтар ертең!..

Арман ҚАНИ

Павлодар қаласы.

Осы өлеңге арқау болған видеоны мына жерден көре аласыз:

Оқырман пікірлері

XS
SM
MD
LG