Ресей, Беларусь, Қазақстан басшылары Еуразия экономикалық одағы келісіміне қол қоятын күні Алматыдағы Тәуелсіздік монументі маңы күшейтілген бақылауға алынды. Қолдарында қара лента байланған Қазақстан жалаушаларын ұстаған «Жас Алаш» газетінің бас редакторы Рысбек Сәрсенбайұлы бастаған бірнеше адам Тәуелсіздік монументіне гүл шоқтарын қойып, Одаққа наразылықтарын білдірді. Полиция жүздерін медициналық маскамен бүркеген екі әйелдің монументке өтуіне кедергі жасап бақты. Алматы, 29 мамыр 2014 жыл.