Accessibility links

Шорабек пен Айтақынның айтысы


Айтыскер ақын Шорабек Айдаров. Алматы, 2 маусым 2012 жыл.

Айтыскер ақын Шорабек Айдаров. Алматы, 2 маусым 2012 жыл.

Маусымның 2-сі күні Алматыдағы Республика сарайында өткен «Ретро айтыста» Шорабек Айдаров пен Айтақын Бұлғақов сөз қағыстырды.

Қос ақын бір-бірін жеңіл сөзбен қағыта отырып, көбінесе тоқал тақырыбын сөз етті.

– Су жаңа тоқал апсың, құтты болсың,
Тамаша іс бастапсың талаптанып.
...Тоз-тоз боп жүруші едің, толып қапсың,
Тоқалмен тоғыз көрпе қабаттанып.
Өзіңе өзің сеніп кеп тұрмысың,
Тойдағы күшіңізге ғажаптанып.
Бәйбішең отырғызған батерейкаң
Тоқалыңның тоғымен зарядтанып, – деп әзілдеді Айтақын Бұлғақов.

Шорабек Айдаров қарсыласының бұл сөзіне орай:

– Қазақтың әншейінде бәрі батыр,
Аса алмай бір әйелден әлі жатыр.
Өзіне қимайтұғын сол қызығың
Шетелде келін болып қалып жатыр.
Өзіміз тоқал алсақ, несі жаман,
Ақыры қытай келіп алып жатыр, - деді.

​Әзіл сөзге келгенде Айтақын Бұлғақов та қарап қалмады:

– Аузыңа бәйбішеңді бір алмайсың,
Бөлек пе тоқалыңның дәмі мүлде?
Сені ұшпаққа шығарған бәйбішең ғой,
Жұлдызыңды жандырған ауыр күнде.
Төрт тоқалға бермеймін бәйбішемді,
Соныменен оранған тәнім гүлге, – деп, айтысқа келген көрерменді күлдірді.



Айтыстың радио нұсқасын әр аптаның сейсенбі және бейсенбі күндері сағат 19.30-20.00 аралығында Азаттық радиосының әуе толқынынан да тыңдай аласыздар.
  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

Оқырман пікірлері

XS
SM
MD
LG