Accessibility links

Софроний ісінің оғаш «қаулыcы» жұртты әбігер қылды


Жоғарғы соттың сайтындағы «Ресей азаматы, миссионер Софроний Қазақстаннан шығарыу» жайлы құжат. 4 қазан 2013 жыл.

Жоғарғы соттың сайтындағы «Ресей азаматы, миссионер Софроний Қазақстаннан шығарыу» жайлы құжат. 4 қазан 2013 жыл.

Жоғарғы соттың сайтында «Ресей азаматы, миссионер Софроний Қазақстаннан шығарылады» деген құжат пайда болды. Бірақ облыстық сот оған қарама-қарсы қаулы қабылдаған.

Соңғы күндері Софроний әкейді (Ресей азаматы, шын есімі – Петр Автихеев) депортациялау туралы істе жұртты дүрліктірген екі оқиға болды. Екіншісі – мистикаға толы.

Қазанның 2-сі күні Алматы облыстық сотының кассациялық алқасы Софронийді Қазақстаннан шығармау туралы шешім етті.

Алайда келесі күні, қазанның 3-інде жоғарғы соттың сайтында керісінше «Софроний Қазақстаннан шығарылсын» деген қаулы пайда болып, Софроний әкейдің жақтастары мен ақпарат құралдарын әбігерге түсірді. Азаттық тілшісі осы оғаштау оқиғаның мән-жайын анықтауға тырысты.

«СОТ ШЕШІМІН АУЫСТЫРЫП ЖІБЕРІПТІ» ДЕГЕН ХАБАР

Софроний әкей басқаратын паналау орнының заңгері Юрий Юрин 3 қазан күні кешкісін ақпарат құралдарына «ШҰҒЫЛ! Сот шешімін ауыстырып жіберіпті!!!» деген тақырыппен электронды хабарлама жіберген. Хабарламада «Сот істері бойынша анықтамалық» сайтына сілтеме берілген. Сайттағы «2к-567/13 02-10-2013 қаулысы» деген файлды ашсаңыз, Алматы облыстық соты кассациялық алқасының әлгі «қаулысының» мәтіні шығады.

Ресми сайтта жарияланған Word (.doc) форматындағы құжатта «Облыстық сот төрағасы Т.Е.Барпыбаевтың төрағалық етуімен, алқа судьялары А.С.Қайсенова, Л.М.Романова, М.Б.Тұржанов және С.Н.Шалдырмасованың қатысуымен өткен eaias.supcourt.kz сайтының скриншоты. 4 қазан 2013 жыл.

eaias.supcourt.kz сайтының скриншоты. 4 қазан 2013 жыл.

Алматы облыстық сотының кассациялық алқасы 2 қазан күні Ресей Федерациясының азаматы Евтихеев Петр Владимировичті Қазақстан Республикасы аумағынан шығару туралы шешім қабылдады» деп жазылған.

Ал Алматы облыстық соты төрағасы Тілектес Барпыбаев 2 қазан күні керісінше ресейлік миссионерді Қазақстаннан депортацияламау туралы қаулы шығарды. Қаулы заң тілінде сәл өзгешелеу жазылған: «Іле аудандық сотының Петр Евтихеевті Қазақстаннан депортациялау туралы 29 шілдедегі шешімінің күші жойылсын және оның өкілі Владислав Мадзигонның шағымы толық қанағаттандырылсын». Сол күні Азаттық радиосы мен кейбір ақпарат құралдары осы тақырыпта мақала жариялап, ал «Еуразия» және КТК телеарналары сот залынан репортаж көрсеткен.

Бірақ жоғарғы соттың сайтында жарияланған кассациялық алқаның «қаулысына» қарағанда, Софроний әкейді Қазақстанда қалдырмай, керісінше депортациялау керек. Кімге сенеміз?

«КІМДІ ЖЫН ТҮРТТІ?»

Бұл істі бұрын қараған Іле аудандық соты мен Алматы облыстық соты апелляциялық алқасы Софронийді депортациялау туралы бір ауыздан шешім қабылдағандықтан, Алматы облыстық соты кассациялық алқасының Софроний әкейдің пайдасына шығарған шешімін құқық қорғаушылар сенсациялық жаңалыққа балаған.

Енді 3 қазан күні «Алматы облыстық сотының кассациялық алқасы Софроний әкейді Қазақстанда қалдырмай, депортациялау туралы шешім шығарыпты» Софроний әкей. Алматы облысы, 24 шілде 2013 жыл.

Софроний әкей. Алматы облысы, 24 шілде 2013 жыл.

деген төбеден жай түскендей қауесет тарады. Жұрт жарияланған материалдарының әр сөзі шүбә тудырмауы тиіс жоғарғы соттың сайтына сілтеме жасайды. Сотқа қатысушылардың қолында сот қаулысының мәтіні жоқ болуы (ол шешім жарияланған соң бес күннен кейін берілуі тиіс) да жағдайдың мән-жайын анықтауда қиындық туғызды.

Азаттық тілшісі облыстық соттың кассациялық алқасының Софроний әкейді депортациялау туралы «қаулысына» байланысты әуелі Софроний әкейдің өзіне хабарласты. «Іле аудандық соты шығарған шешімнің күші жойылсын деген сот төрағасының қаулысын өз құлағыммен естігендіктен, бұған қатты таң қалып отырмын. Сірә, біреуді жын соққан ғой» дейді ол.

Кассациялық соттың Софроний әкейдің пайдасына шығарған шешімі туралы Азаттық тілшісімен жуырда ғана қуана бөліскен адвокаты Владислав Мадзигонның жауабы бұл жолы қысқа болды.

– Бұл – дезинформация, – деумен шектелді адвокат.

ЖОҒАРҒЫ СОТТА ТЕКСЕРІЛІП ЖАТЫР

Журналистік тексерудің аяғына қарай ресми тұлғалардан жоғарғы соттың сайтында «техникалық қателік» кеткен деген жауап естідік. Жоғарғы сот баспасөз қызметінің басшысы Евгений Дробязко сот сайтында оғаштау қаулының мәтіні пайда болуы туралы «бұның жалған ақпарат екені даусыз, яғни бұл – нағыз құжат емес» дейді. Алайда Азаттық тілшісінің осы мақаласы жарияланар сәтте «дұрыс емес қаулы» жоғарғы соттың сайтынан әлі алынбады.
Бұл – мүлде сотқа қатысы жоқ акт. Онда электронды қол да жоқ. Кездейсоқ құжат.

– Бұл – мүлде сотқа қатысы жоқ акт. Онда электронды қол да жоқ. Кездейсоқ құжат. Бұл іс бойынша жалғыз дұрыс шешім – сотта оқылған қаулы. Бөгде бір мәтін сот шешімдерінің дерекқорына қалай түсіп кеткені қазір тексеріліп жатыр, – дейді Евгений Дробязко.

Софроний әкейдің тағы бір адвокаты Виктор Семин жоғарғы сот сайтында бұл «қаулының» қалай пайда болғаны жөнінде өз болжамын айтады. Оның айтуынша, кассациялық сот шығаруы керек деп күткен қаулының нұсқасы алдын ала дайындалған да, кейін интернетте жарияланып кеткен.

Алматы облыстық сотының баспасөз хатшысы Меруерт Қамбарованың айтуынша, жоғарғы соттың сайтында қайдан пайда болғаны белгісіз «қаулының» жариялануына байланысты жағдай қазір тексеріліп жатыр.
Белгісіз. Сірә, әлдебір хакердің ісі болу керек. Қазір тексеріліп жатыр.

– Белгісіз. Сірә, әлдебір хакердің ісі болу керек. Қазір тексеріліп жатыр. Оның қайдан пайда болғанын әлі нақты білмейміз, – дейді Меруерт Қамбарова.

Ал Алматы облыстық соты кеңсесі қызметкері Гүлбақыт Омарованың Азаттық тілшісіне айтуынша, Софроний әкейдің ісі бойынша кассациялық алқаның 2 қазан күні шығарған қаулысының мәтіні әлі дайын болмағандықтан, ешкімге, ешқайда жолданбаған.

Софроний әкей – Алматы облысы Іле ауданының Түймебаев кентіндегі Сергий Радонежский ғибадатханасына дем беріп, қолдаушысы. Ол ашқан паналау орнында қазір 113 бала және 120 қарт пен мүгедек бар. Софроний Қазақстанда 1991 жылдан бері тұрады.

Қазақстанның көші-қон полициясы оны «әкімшілік заңды бұзған, елде тұруға рұқсат беретін ықтиярхаты жоқ» деп айыптап, елден шығаруды талап етеді. Қауым мүшелері мен Софроний әкейдің жақтастары биліктен оған тиіспеуді сұрайды.
  • 16x9 Image

    Қазис ТОҒЫЗБАЕВ

    Қазис Тоғызбаев Азаттықтың Алматыдағы тілшісі ретінде 2008 жылдан бері жұмыс істеп келеді. Оппозициялық "Сөз" және "Азат" газеттерінде, kub.info сайтында тілші болған.

Оқырман пікірлері

XS
SM
MD
LG