Болат Әбіловтың айтуынша, жеті жыл бойы қатарынан өз лауреаттарын тауып келген «Тарлан» сыйлығының биыл тапсырылмауына әлемдік қаржы дағдарысы себеп болып отыр.
- Меценаттар ақылдаса келе осындай шешімге келді. Біріншіден, қаржы дағдарысы, екіншіден – моральдық жағы да бар.. Келесі жылы «Тарлан» сыйлығының 10 жылдығын атап өтеміз, - деді Болат Мұқышұлы.
Тәуелсіз жалпыұлттық «Тарлан» сыйлығын тағайындайтын меценат Клубының жеті мүшесі бар: Болат Әбілов – клуб төрағасы, Мұхтар Әблязов, Райымбек Баталов, Еркін Қалиев, Марғұлан Сейсембаев, Нұрлан Смағұлов, Нұржан Субханбердин.
"Тарлан" платина сыйлығы. Алматы
«Тарланның» жалпы сыйлық қоры – 120 мың АҚШ доллары. Соның ішінде «Платина Тарланы» үшін 10 мың АҚШ доллары белгіленген. Сыйлық жеті сала бойынша тағайындалады - әдебиет, музыка, театр, бейнелеу өнері, кино, ғылым және ағартушылық.
- Осы жолы сыйлық тапсырылмайтын болды. Неге екендігін меценаттар ғана біледі, бізге олар түсіндіріп айтқан жоқ. Жалпы биылғы сыйлыққа 152 өтініш тапсырылды, - деді Клубтың құжаттарды қабылдау бойынша хатшысы Естай Кешілбаев.
Меценаттар клубының төрағасы Болат Әбіловтың айтуынша, сыйлықтан үміткерлердің өтініші қараусыз қалмайды.
- Біз үміткерлермен келістік. Тапсырылған құжаттардың барлығы да келесі жылы қаралатын болады, - деді ол.
«Тарлан» сыйлығынан үміткерлердің бірі ақын Ғалым Жайлыбай. Қаламгер өзінің соңғы шығармасы «Арда күрең» кітабын осы сыйлыққа ұсынған.
- Меценаттардың сыйлығы болғандықтан оны беру-бермеу мәселесін де солар шешеді. Келесі жылы жалғасатын шығар... Осы уақытқа дейін сыйлық тағайындап келгені үшін оларға рахмет айтайық. Қиыншылық әркімнің басында кездеседі, қаржы дағдарысына байланысты кейінге қалдырылған шығар..., - деді ақын Ғалым Жайлыбай.
Меценаттардың тәуелсіз «Тарлан» сыйлығы әр жылдары Олжас Сүлейменов, Мұхтар Шаханов, Қадыр Мырзалиев, Мұхтар Мағауин, Әбіш Кекілбаев, Ермек Серкебаев, Бибігүл Төлегенова және басқа да танымал қайраткерлерге тапсырылған.
- Меценаттар ақылдаса келе осындай шешімге келді. Біріншіден, қаржы дағдарысы, екіншіден – моральдық жағы да бар.. Келесі жылы «Тарлан» сыйлығының 10 жылдығын атап өтеміз, - деді Болат Мұқышұлы.
Тәуелсіз жалпыұлттық «Тарлан» сыйлығын тағайындайтын меценат Клубының жеті мүшесі бар: Болат Әбілов – клуб төрағасы, Мұхтар Әблязов, Райымбек Баталов, Еркін Қалиев, Марғұлан Сейсембаев, Нұрлан Смағұлов, Нұржан Субханбердин.
«Тарланның» жалпы сыйлық қоры – 120 мың АҚШ доллары. Соның ішінде «Платина Тарланы» үшін 10 мың АҚШ доллары белгіленген. Сыйлық жеті сала бойынша тағайындалады - әдебиет, музыка, театр, бейнелеу өнері, кино, ғылым және ағартушылық.
- Осы жолы сыйлық тапсырылмайтын болды. Неге екендігін меценаттар ғана біледі, бізге олар түсіндіріп айтқан жоқ. Жалпы биылғы сыйлыққа 152 өтініш тапсырылды, - деді Клубтың құжаттарды қабылдау бойынша хатшысы Естай Кешілбаев.
Меценаттар клубының төрағасы Болат Әбіловтың айтуынша, сыйлықтан үміткерлердің өтініші қараусыз қалмайды.
- Біз үміткерлермен келістік. Тапсырылған құжаттардың барлығы да келесі жылы қаралатын болады, - деді ол.
«Тарлан» сыйлығынан үміткерлердің бірі ақын Ғалым Жайлыбай. Қаламгер өзінің соңғы шығармасы «Арда күрең» кітабын осы сыйлыққа ұсынған.
- Меценаттардың сыйлығы болғандықтан оны беру-бермеу мәселесін де солар шешеді. Келесі жылы жалғасатын шығар... Осы уақытқа дейін сыйлық тағайындап келгені үшін оларға рахмет айтайық. Қиыншылық әркімнің басында кездеседі, қаржы дағдарысына байланысты кейінге қалдырылған шығар..., - деді ақын Ғалым Жайлыбай.
Меценаттардың тәуелсіз «Тарлан» сыйлығы әр жылдары Олжас Сүлейменов, Мұхтар Шаханов, Қадыр Мырзалиев, Мұхтар Мағауин, Әбіш Кекілбаев, Ермек Серкебаев, Бибігүл Төлегенова және басқа да танымал қайраткерлерге тапсырылған.
