Accessibility links

Қырғызстан үкіметі отставкаға кетпек


Қырғызстанның отставкаға кеткен премьер-министрі Жантөрө Сатыбалдиев.

Қырғызстанның отставкаға кеткен премьер-министрі Жантөрө Сатыбалдиев.

Қырғызстан президенті Алмазбек Атамбаев үкіметті отставкаға жіберу туралы жарлық шығарды.

18 наурызда "Ата-Мекен" партиясы басқарушы коалиция құрамынан шығатындарын мәлімдеген. Заң бойынша, 2012 жылдың қыркүйегінен бері премьер-министр қызметінде болған Жантөрө Сатыбалдиев пен оның үкіметі отставкаға кетуі тиіс.

"Ата-Мекен" партиясының жетекшісі Өмірбек Текебаев премьер-министр Жантөрө Сатыбалдиевтің "былтыр ірі қылмыскер түрмеден босатылып, кейін елден қашып кеткеннен соң үкіметті басқаруға моральдық құқығы қалмады" деген. "Ата-Мекен" партиясы бұған қоса үкімет басшысын "Қырғызстан өз үлесін арттыруды көздеп, "Құмтөр" алтын кенішінің мәселесін де шеше алмады" деп те айыптаған.

Таратылған үкімет мүшелері жаңа үкімет жасақталғанша қызметін жалғастыра береді.
XS
SM
MD
LG