Дзюдодан әлем чемпионы, қазақстандық Максим Раков Лондон олимпиадасына дайындалып жатыр. Алматы, 3 сәуір 2012 жыл.
Қазақ спортшыларының кестесі: 1-2 тамыз
Назарларыңызға тамыздың 1-і мен 2-сі күндері күні жарысқа шығатын қазақстандық спортшылардың кестесін ұсынамыз.
1 ТАМЫЗ
Бұл күні Астана уақыты бойынша кешкі 18.30-да бокстан 56 килограмм салмақ дәрежесінде Қанат Әбутәліпов Лондондағы екінші кездесуін өткізеді. Қарсыласы – Джон Джое
Қазақстандық боксшы Қанат Әбутәліпов (қызыл) сириялық боксшы Вессам Сламанамен (көк) кездесті. Лондон, 28 маусым 2012 жыл.
Невин (Ирландия).
Алматы уақыты бойынша, тамыздың 1-нен 2-сіне ауған түні сағат 01.30-да аса ауыр салмақтағы Қазақстан боксшысы Иван Дычко Эрик Пфейфермен (Германия) рингке шығады (Бұл кездесу олимпиада кестесінде Лондон уақытымен тамыздың 1-і деп белгіленген).
Түскі сағат екіде семсерлесуден Элмир Әлімжанов, Дмитрий Алексанин және Юлия Живица жарысқа түседі. Семсерлесуден жүлделер осы күні сарапқа салынады.
Дзюдодан 90 килограмм салмақтағы Тимур Болат 14.30-да татамиге шығады. Алғашқы қарсыласы - египеттік Хещам Мезбах.
Ал 18.15-те велоспорттан Александр Винокуров пен Асан Базаев жекелей жарысқа қатысып, медальға таласады.
200 метрге шалқалап жүзуден жарысқа шығатын Александр Тарабрин іріктеу жарысын бастайды.
Ал 20.30-да ауыр атлет Анна Нұрмұхамбетова жарысқа шығады.
2 ТАМЫЗ
Астана уақыты бойынша 18.30-да 60 килограмдағы боксшы Ғани Жайлауов үндістандық Джаи Вхагванмен жұдырықтасады.
Түскі сағат екіде дзюдодан әлем чемпионы Максим Раков татамиге шығып, жүлдеге таласады. Бірінші қарсыласы - әзірбайжандық Елмар Гасимов.
Осы күні су добынан Қазақстан ерлер құрамасы Грекия командасымен кездеседі.
