Accessibility links

Сочидегі Қазақстан үйі


Сочидегі жүрген қазақстандық жанкүйер (оң жақта). 7 ақпан 2014 жыл.

Сочидегі жүрген қазақстандық жанкүйер (оң жақта). 7 ақпан 2014 жыл.

Сочидегі олимпиадалық бақта Қазақстан үйі ашылған. Азаттық тілшісі осы үйде қонақ болып қайтты.

Сочидегі олимпиадалық бақта Қазақстан үйі ақпанның 6-сынан бері қонақтарды күтіп жатыр. Бұл үйде Қазақстан президенті Нұрсұлтан Назарбаев спортшыларды қабылдаған. Ал қазір Қазақстан үйіне әр елдің жанкүйерлері мен Сочиде жүрген жанкүйерлер келіп жатыр. Қазақстан үйі таңғы сағат 10-нан түнгі 12-ге дейін ашық.

Қазақстан үйіндегілер қонаққа келгендерге дастархан жайып, қазы-қарта, ірімшік, құрт, Алматыдан әкелген алма ұсынады. Шетелдіктерге киізден жасалған ойыншықтар мен кәдесыйлар беріліп жатыр.

Ішкі дизайны киіз үйге ұқсас етіп жасалған бұл аумақта қазақ күйлері мен халық әндері ойнап тұрады. Олимпиада ойындарын тамашалауға арналған теледидар да бар.

Қазақстан үйінің сол қанатында EXPO-2017 көрмесін насихаттауға арналған арнайы бұрыш ашылған. Ал оң қанаты «Алматы-2022» деп аталады. Бұл бұрыш 2022 жылғы қысқы олимпиаданы өткізетін қала ретінде Алматының кандидатурасын қолдауды насихаттайды.

Қазақстан үйі ақпанның 24-іне дейін тұрады. Қазақстандық спортшылар медаль алып жатса, арнайы салтанатты шаралар да осы үйде ұйымдастырылады.

ВИДЕО: Сочидегі Қазақстан үйі
  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG