Accessibility links

Ресей хоккейшілері екінші жыл қатарынан финалда


Ресей құрамасының ойыншылары Евгений Малкин (11) мен Владимир Тарасенко.
Ресей құрамасының ойыншылары Евгений Малкин (11) мен Владимир Тарасенко.

Шайбалы хоккейден Чехияда өтіп жатқан әлем чемпионатының екінші жартылай финалында Ресей 4:0 есебімен АҚШ-ты жеңіп, финалға шықты.

Бұған дейін екі команда топтық кезеңде кездесіп, 4:2 есебімен АҚШ жеңген еді.

Ресей екінші жыл қатарынан әлем чемпионатының финалына шығып отыр. 2014 жылғы Минсктегі әлем біріншілігінің финалында ресейліктер Финляндияны 5:2 есебімен жеңген.

Ресей енді финалда Канадамен ойнайды. Канада алғашқы жартылай финалда Чехияны 2:0 есебімен жеңген. Чехия мен АҚШ қола медальға таласады.

Биылғы әлем чемпионатының финалы мен үшінші орын үшін матч 17 мамырда Прагада өтеді.

XS
SM
MD
LG