Әлемнің 34-ракеткасы, қазақстандық Зарина Дияс Уимблдон турнирінің үшінші кезеңіне шықты.
21 жастағы қазақ теннисшісі өзімен жасты белорусьтік теннисші Александра Сасновичті (137-ракетка) 7:5, 6:1 есебімен жеңді.
Дияс үшінші кезеңде Андреа Петкович (Германия) пен Мариана Мариньо Дуке (Колумбия) арасындағы матчтың жеңімпазымен кездеседі.
Дияс 2014 жылғы Уимблдон жарысының төртінші кезеңіне дейін жеткен.
Уимблдон – теннистен әлемдегі Grand Slam (Үлкен шлем) сериясына кіретін ең ірі төрт турнирдің бірі. Лондонда өтетін жарыстың жүлде қоры 26 миллион 750 мың фунт стерлингті құрайды.