Ақтауда өтіп жатқан Жаңаөзен оқиғасы бойынша сот барысында не жаңалық? Бұған дейін адвокаттар қамауда отырған жаралы айыпталушылардың денсаулығы нашарлағанын айтып, олардың жазасын үйқамаққа ауыстыру туралы өтініш түсірген еді.

Қазақстан президентінің «Болашақ» стипендиясына қатысты қандай өзгерістер қабылданды, жалпы «Болашақ» бағдарламасымен шетелде оқып қайтқан жастар жалақының төмендігін айтады.

Ресейдегі ұшақ апатында  31 адам қаза тауып, жолаушының 12-сі аман қалған.

Сәуірдің 2-сі – аутизм туралы хабар таратудың халықаралық күні. Аутизм – ми қызметінің әлеуметтік қарым-қатынас жетімсіздігіне қатысты бұзылуы. АҚШ-та әрбір 88 баланың бірі осы дертке шалдыққан болса, Қазақстанда аутизммен ауыратын балалардың нақты саны белгісіз. Ондай дертті дәл анықтап, диагноз қоятын мамандар да аз.

Қазақстандағы ғылыми-зерттеу институттарының ғалымдары не себепті үш айдан бері жалақыларына жете алмай жүр, олардың президентке жазған ашық хаттарына әлі жауап жоқ.