Көрмейін десем - көзім бар
Жағымпаздықтың ауруы әбден меңдеген қоғамда ештеңеге таңданбаймын дегеніңмен, шектен шыққан сорақылықтарды көріп тұрып, шыдай алмай кетеді екенсің. Төмендегі суреттерді көрген адам қандай ойға беріледі екен?
Алматы қаласындағы Алатау аудандық әкімшілігінің жанындағы биллборд.x
Алматы қаласындағы Алатау аудандық әкімшілігінің жанындағы биллборд.
Өз басым осыларды көргенде қатты күйініп, бойымды намыс кернеді. Содан соң көпшіліктің назарына ұсынуды жөн көрдім.
Алматы қаласында жаңадан ашылған Алатау аудандық әкімшілігінің жанына орналастырылған осы биллборд арқылы бишікештер не айтқысы келді екен?
Менің айтарым: "Бүкіл елдің болашағын бір адамның тағдырына байлап қойған сорлы қазақтардың сормаңдай тірліктеріне қалай таң қалмассың. Біз күліп қарайтын кейбір қоңсы елдерде де мұндай сорақылықты кездестірмейтін шығармыз".
Алматы қаласы Алатау әкімдігі жанындағы биллборд. қаңтар, 2009 жыл. Ал мына биллбордтың Қапшағай қаласына қарай баратын даңғыл жолдың «Галлахер» темекі
компаниясына бұрылатын жол айырығы мен Алматы қаласындағы Саин және Маречек көшелерінің қиылысында ілініп тұрғанына бір жылға таяды (менің байқаған уақытым мен жерлерім).
Көктемгі гүлдердің ортасында күлкісі жиылмай отырған осы адамға дауыс бергісі келгендер 2005 жылдың аяғында дауыс беріп қойған жоқ па еді, ал бұл кісіге енді дауыс бергісі келетіндердің қашан дауыс бере алатынын бір Алла ғана білетін болар. Өз басым, мұны осы кісіні мазақ қылғандық деп есептеймін.
Алматыдағы Саин-Маречек көшелерінің қиылысндағы саяси жарнама.қаңтар 2009 ж.
Мынау да сол Қапшағайдың жолының бойында ілулі тұр. "Бабалар салған сара жол ұрпаққа қандай дана жол" болмақ, егер біз тәуелсіз елміз деп жүрген жылдары большевиктер салып берген қисық жолдан бір танбасақ? Идеологиямыз да, өмір сүру салтымыз да, қоғамға, өмірге деген көзқарасымыз да коммунистер тоқпақтап-тоқпақтап сүйегімізге сіңіріп жіберген сол баяғы жауыр болған насихаттан құтылмаған болса.
Алматыдан Қапшағай қаласына шығар жол бойындағы жарнама. қаңтар, 2009 жыл.
Айналып-айналып келіп, «Нұр Отанды» ойлап таптық. Басқа нәрсе ойлап табуға өреміз жетпейді. Орыстар айтпақшы: "Барлығы баяғы Брежневтің кезіндегідей". Айта берсе әңгіме таусылмас, мұның бәрін өздерің қалай түсінесіңдер, құрметті оқырман қауым?
Нағашыбай Есмұрзаев,
Алматы, қаңтар 2009 ж.
CАЙТЫМЫЗҒА ТІРКЕЛІҢІЗ!
Құрметті оқырман!
Комментіңізді неғұрлым жылдам шығарып, Азаттық журналистеріне тікелей сын-ескертпе немесе ұсыныс айтып, өзге оқырмандармен ашық пікір алмасқыңыз келсе, сайтымызға тіркеліңіз.
Тіркелу үшін мына жерді басыңыз
Тіркелген соң сайттың оң жақ шекесіндегі «Кіріңіз» деген терезе арқылы еніп, пікір жаза аласыз.
Құрметпен,
Азаттығыңыз