Жұма, 19 желтоқсан 2014, Алматы 22:25


МӘДЕНИЕТ

Жандарбек пен Бекарыстың айтысы

Желтоқсан айында «Тәуелсіздік тағылымы» тақырыбында Астанада өткен мемлекеттік айтыстың шешуші кезеңіне шыққан екі жұптың бірі – Жандарбек Бұлғақов пен Бекарыс Шойбековтің жыр сайысын ұсынамыз.

Айтыскер ақын Жандарбек Бұлғақов. Алматы, 21 наурыз 2010 жыл.Айтыскер ақын Жандарбек Бұлғақов. Алматы, 21 наурыз 2010 жыл.
x
Айтыскер ақын Жандарбек Бұлғақов. Алматы, 21 наурыз 2010 жыл.
Айтыскер ақын Жандарбек Бұлғақов. Алматы, 21 наурыз 2010 жыл.

Мультимедиа

Дыбыс

Қазылар алқасының шешімімен үш күнге созылған айтыстың соңғы күні екінші және үшінші орын үшін айтысқан Жандарбек пен Бекарыс та бұған дейінгі айтыстардағыдай президент Нұрсұлтан Назарбаевтың, Астананың және осы қалада 2010 жылы саммиті өткен ЕҚЫҰ-ның атына жылы сөздер айтты.

Жандарбек Бұлғақов Астанадағы Конгресс-холл сарайында үш күн бойы өткен айтысқа Қазақстан үкімет басшысы Кәрім Мәсімовтің айтысқа келмегенін жырға қосты.

– Ақының айтар сөзден жаңылмасын,
Ағасы өзің едің сарындасым.
Кетерімде айтайын бір сөзімді,
Жас бала тектен-текке қағынбасын.
Байқаймын мына залдан көрінбейді,
Келеді деп еді Кәрім Мәсім.
Байқаймын, шаруаларымен келе алмады-ау,
Өз халқының жанынан табылғасын.
Мұхтар аға, өтініш жасайыншы,
Жас бала айтар сөзден жаңылмасын.
Ертең осы айтысым біткеннен соң,
Мәсімов бәрімізді қабылдасын, – деп жырлады Жандарбек.

Жандарбектің қарсыласы Бекарыс Шойбеков Қазақстан үкімет басшының айтысқа келе алмауын одан әрі жырмен сабақтап, түйреп өтті.

– Ақыннан аузын ашса өлең шығар,
Сөздердің сүбелісі сенен шығар.
Кәрім ағаң айтысқа келмей қалса,
Реті бәлкім солай келген шығар.
Премьерде ақылшы көп болады,
Біреуі ақыл-кеңес берген шығар.
«Кәреке, онда барып неғыласың,
Жылы сөз естімейсің» деген шығар, – деген Бекарыс Шойбеков қазылардың тарапынан 70 ұпай алып екінші орынды иеленсе, Жандарбек Бұлғақов 69 ұпаймен үшінші орынға табан тіреді.

Жандарбек пен Бекарыстың айтысы:

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
Пікірлерді іріктеу
Пікір
     
Кімнен: Ауыл баласы Қайдан: Ауылдан
24.01.2011 18:06
+0 / -0
"Көрермендер «алғашқыға қарағанда ақындардың арындары қайтып қалыпты, шамасы үзілісте біраз ескерту алған болар» деп ой қорытты. Өйткені үзіліс кезінде финалға шыққан төрт ақынды қазылар алқасы жеке бөлмеге шақыртып алған болатын."
Шынында да солай болған сияқты. Бірақ сонда да Жандарбектің соңғы сөзінде де
"Тіл білмесе нан берме деп қалдың ғой,
Өйтер болса ұшады бақтан бақыт
Бұл заңды қабылдасы төрде отырған,
Біраз адам қалар ет аштан қатып"-деп шындықты айтып кетті

Кімнен: ИЛИЯС Қайдан: AKTAU
27.01.2011 07:15
+0 / -0
Жандарбек не айта алмай кетти екен бир баспа созде айтам дегенимди айта алмадым депти.КЕРЕМЕТ АЙТЫС! азаттык жасасын
11111

Кімнен: ЖанПолат Қайдан: казак ели
27.01.2011 16:36
+0 / -0
Айтысты мр3 улгисинде жазып топтап коюга боладыгой сосын халык жазыпалып тындап журеди айтпесе текке такылдаганнан не пайда

Кімнен: Дербісәлі Қайдан: Беген
11.02.2011 19:15
+0 / -0
Өзіңді қанша жеңсең, өмірді де сонша жеңесің!

Айтыңдаршы Мықтыға!

Жүзбес кеме қашыққа,
Желкенінде желі жоқ.
Атпас жебе алысқа,
Жебе тартар, садақ жоқ.

Жолың болмас жүргенде,
Жол үстінде жарық жоқ.
Отқа піспес қазан да
Отын бар да, оттық жоқ.

Құрыш қалай шынығар?!
Темір бар да, ұста жоқ.
Оқушы кімнен үйренер
Оқушы бар да, ұстаз жоқ.

Ағайын қайдан бірігер?
Тізе қосқан тірлік жоқ.
Көре алмаса бір-бірін,
Күндестік бар, бірлік жоқ.

Ер жігіттер жараспас
Азаматтық ісі жоқ.
Кесектігі көрінбес,
Сөз бен істе ірілік жоқ.

Елден шыққан азамат
Азамат деген аты бар,
Ел билесе егерде,
Халықтың онда һақы бар.

Атқа мінген мықтылар,
Елге қарыз, мін жоқ.
Халқың, бабаң алдында,
Парызы бар, сөз жоқ.

Қайда біздің мықтылар?
Көк жағалы, көйлекті.
Қысылмай ма? тарылып,
Сұрай қалсаң көмекті.

Ел билегіш мықтылар
Шенді алып параға,
Кәсіп қылып билікті,
Арын сатты ақшаға.

Тіс батырып әлсізге,
Жәй адамға шалқайып,
Өзгереді бір сәтте
Мықтылауға бас иіп.

Таласады шен үшін
Кетті пейіл қарайып.
Есі-дерті көп ақша
Тойғанға мәз марқайып.

Лауазымды алдында
Әдепті болып, сызылып,
Шәшіп малын,жомарт боп,
Шырылдайды жүгіріп.

Керек адам болса егер,
Асты-үстіне түседі.
Қара бастың қамы үшін
Тақым үзсе, үзеді.

Мықты атын жоғалтар,
Игі жақсы істер жоқ.
Керегі не мықтылар,
Аты бар да, заты жоқ?!

Таяз суға шомылып,
Парасатсыз ел билеп,
Айтшы, «мықты», өмірден
Алар еншің осымед?!

Көз шоғы жанған балада
Негізі бар, жазық жоқ.
Қайтіп ісі оң алар?
Ынтасы бар, тірек жоқ.

Талпынған жігіт қиналар
Ниеті бар, демеу жоқ.
Сүйтіп жүріп шыңдалар
Мықты болса,тоқтау жоқ.

Болар бала боғынан
Ата сөзде мағына.
Дәулет бітіп жарлыға,
Атқа мінер жас бала.

Мықтылармен алысып,
Талай жерде бәйге алар.
Байлық-шенге таласып,
Өзі мықты атанар.

Келер сонда алдына
Кешегідей жас бала.
Кез келеді сыналар
Табылама азамат
Талапкерге жол ашар?

Айтылған сөз бос қалар,
Бекітпесе іспенен.
Өмір мәнін жоғалтар,
Игі істер болмаса,
Өтсе бекер күнменен.

Жаратқан ием - бір Алла!
Иесің ғой ғаламға.
Жануардан жараттың
Ақыл беріп адамға.

Өмір мәнін ұқсын деп,
Парасатқа бөледің.
Адамзаттың тағдырын
Адамға, Құдай, жүктедің.

Ғажайып әлем жаратқан
Мейірімді қолыңнан.
Кешірегөр пендеңді
Адасса, Әке, жолыңнан.


Айтыңдаршы мықтыға!:
Өмір мәні басқаша!
Бөлінеміз соңында
Жақсы менен жаманға!

Қалады сонда «боқ дүниең»
Әкетпейсің арқалап.
Кіреді жерге әр пенде
«Екі құлашты» құшақтап.

«Қыл көпірге» жеткенде,
Кім кепіл айтшы, ей пенде!
Артыңа қарап ентелеп,
Тұрып жүрме өкініште
Бармағыңды тістелеп...


Азаттық - әлеуметтік желілерде

Azattyq TV

Сіздің JavaScript сөніп қалды, немесе сізде Adobe's Flash Player-дің ескі нұсқасы. Flash player-дің соңғы нұсқасын жүктеңіз.
Жаһан жаңалықтары 19.12.2014i
|| 0:00:00
...  
🔇
X
19.12.2014
Арменияның валютасы құлап, тауар бағасы өсіп кетті, Иркутск халқы мэрді сайлау хақын қорғады, Пхеньян кибер-армия құрды деп айыпталды.