БҰҰ бақылаушылар тобының жаңа басшысы Сирияға аттанды
Генерал-майор Роберт Муд (оң жақта) Кофи Аннанмен бірге тұр. Женева, 4 сәуір 2012 жылx
Генерал-майор Роберт Муд (оң жақта) Кофи Аннанмен бірге тұр. Женева, 4 сәуір 2012 жыл
БҰҰ-ның өкілінің хабарлауынша, осы ұйымның Сириядағы бақылаушылар тобының жаңа басшысы 29 сәуір күні Дамаскіге жол жүріп кетті.
Нирадж Сингх есімді өкілдің айтуынша, генерал-майор Роберт Муд Сирияның астанасына бүгін жетіп, осы елдегі БҰҰ-ның бас әскери бақылаушысы қызметіне кіріседі.
Норвегиялық ардагер бітімгер бұған дейін БҰҰ-ның Таяу Шығысты бақылау тобын басқарған. Роберт Муд 1999 және 2002 жылдары Косоводағы бітімгершілік әскерінің құрамында қызмет еткен.
Өткен сенбі күні БҰҰ-ның Қауіпсіздік кеңесі Сирияда 10 сәуір күні жарияланған оқ атуды тоқтату туралы бітімнің жүзеге асуын бақылау үшін 300 адам жіберген еді.
CАЙТЫМЫЗҒА ТІРКЕЛІҢІЗ!
Құрметті оқырман!
Комментіңізді неғұрлым жылдам шығарып, Азаттық журналистеріне тікелей сын-ескертпе немесе ұсыныс айтып, өзге оқырмандармен ашық пікір алмасқыңыз келсе, сайтымызға тіркеліңіз.
Тіркелу үшін мына жерді басыңыз
Тіркелген соң сайттың оң жақ шекесіндегі «Кіріңіз» деген терезе арқылы еніп, пікір жаза аласыз.
Құрметпен,
Азаттығыңыз