Осрбльеде (Словакия) өтіп жатқан Қысқы универсиадада әйелдер арасында өткен 5 километрлік жарыста қазақстандық Анастасия Слонова күміс медаль иеленді. Ол осыған дейін шаңғыдан спринттік жарыста алтын медаль алған.
Қазір Қазақстан жалпы есеп бойынша екі алтын (Анастасия Слонова мен Алина Раикова) және бір күміс медаль (Анастасия Слонова) иеленіп, Ресейден кейін екінші орында тұр.
Биылғы қысқы универсиада Осрблье мен Гранадада (Испания) өтіп жатыр. Словакияда шаңғы, биатлон жарыстары, Испанияда шорт-трек, хоккей, коньки, фристайл, тау шаңғысы, сноуборд жарыстары ұйымдастырылады.
25 қаңтарда басталған Қысқы универсиада 14 ақпанда аяқталады.