2 наурызда Қаскелендегі православ шіркеуінің жұмысын басқарушы епископ Геннадийге Ресей федерациясының Пушкин медалі табысталды.
Епископ Геннадий православ шіркеуіндегі діни жұмысымен қатар Алматыдағы православтық семинарияның ректоры қызметін де атқарады.
Медальді Ресейдің Қазақстандағы елшісі Михаил Бочарник табыстады.
Пушкин медалі гуманитарлық ғылым, әдебиет, өнерді дамытуға үлес қосқан Ресей азаматтары мен шетелдіктерге табыс етіледі.
