Украинаның Донецк облысында мемлекет иелігіндегі «Краснолиманск» шахтасының жұмысшылары апта бойы ереуілдеп жатыр. Олар шахта директоры міндетін атқарушы Владимир Киселев орнында қалуы керек деп санайды. Кеншілер Виталий Зюзьконы шахта бастығы етіп тағайындау туралы энергетика және көмір министрлігінің бұйрығына қарсы екендерін мәлімдеген. Ереуілшілерге келген Донецк облысы әскери-азаматтық әкімшілігі басшысы Павел Жебривский жақын уақытта министрге жолығатынын айтып, жағдайды Украина президенті Петр Порошенкоға жеткізуге уәде етті.