Әйткенмен олардың ары қарай өмірде не күтіп тұр, бала-шағаларын қалай болады, қазір олар ешқандай қызық көріп жүрген жоқ. Менің өз байқағаным, қазір бізде тұрмысы нашар тұратын адамдар өте көп. Айталық, міне қазір Алматының саябағында жақсы әңгіме шертіп отырмыз, ал ана Оңтүстік Қазақстанда, басқа да аймақтардағы ауылдарда жағдай өте нашар.
Біздің халықтың бірінші проблемасы – менталитеті дер едім. Егер айталық қазақтың менталитеті ана жапонның не Оңтүстік Корей тұрғынының менталитеті секілді болса біздің тұрмыс жағдайымыз қазіргіден мүлдем басқаша болар еді, тіпті Американы басып озбасақ та оған қазіргіден көшілгері жақындай түскен болар едік деп ойлаймын.
Қазақстанның әрбір тұрғыны қазіргі жаңа ғасырға лайықты өмір сүруі керек. Өйткені біздің адамдардың жақсы өмір сүруіне жүз пайыз мүмкіншілік бар деп санаймын, себебі еліміздің территориясы ұлан-байтақ, оның қойнауы тұнған байлық, халық саны болса аз. Ал сол елдің жақсы тұру мәселесін мемлекет шешуі керек.
