Перудегі наразылық

Ел астанасы Лима қаласында бірнеше мың адам шеруге шығып, полициямен қақтығысты. Шерушілер бюджет қызметкерлерінің жұмысын бағалау реформасына наразы. Қақтығыс кезінде бірнеше адам жараланды деген ақпараттар бар. Шеруге шыққандар - негізінен студенттер мен жалақысын бюджеттен алатын азаматтар. Олар президент сарайына барғысы келген. Перу билігі жоғары оқу орындары қызметкерлерінің де жұмысына баға қою жүйесін енгізбек. Үкімет "осы шара арқылы жоғары білім сапасын көтереміз" дейді. Кейбір сарапшылар "бұл өзгерістер университет автономиясын шектейді және оқытушыларға қысым көрсетудің құралына айналады" дейді.