Еуропа Одағына Таяу Шығыс пен Африка елдерінен қашқан жүз мыңдаған босқын келіп жатыр. Ол адамдар елдеріндегі соғыс пен ауыр тұрмыс кесірінен босып кеткен. Венгрия астанасы Будапешт қаласына жиналған босқындар басқа елге жібермей қойған жергілікті билікке қарсы наразылық шарасын өткізіп тұр. Венгрияның дерегінше, бұл елге биылғы тамыз айында ғана 50 мыңдай мигрант келген.