Қырғызстан Сириядағы террористерге қарсы күреске әскерін жібермейді. Бұл туралы жыл қорытындысына арналған баспасөз мәслихатында Қырғызстан президенті Алмазбек Атамбаев мәлімдеді. Сонымен бірге ол Түркияның 24 қарашада Сириямен шекарада Ресей әскери ұшағын атып түсіргенін "дұрыс емес" деп айтқан. Атамбаев өз елінің Еуразия экономикалық одағына (ЕАЭО) кіруін "дұрыс шешім" деп бағалаған. Бішкек, 24 желтоқсан 2015 жыл. (Азаттықтың Қырғыз қызметінің видеосы.)