Қазақстан ұлттық қауіпсіздік комитеті желтоқсанның 7-і күні коррупцияға қарсы іс-қимыл ұлттық бюросы және ішкі істер министрлігі бірлесіп Ақтөбеде "мұнай өнімдерін жымқырумен айналысқан" деген күдікке ілінген адамдарды ұстау операциясын жүргізгені туралы хабарлады. ҰҚК нақты қанша адам ұсталғаны жайлы толымды ақпарат бермеді. Азаттық тілшісі Ақтөбеде "арнайы операция" жүріп жатқан зауытқа барған еді.