Қырғызстанның Ош облысы Ноокат ауданы Қара-Таш ауылының тұрғыны Калима Исрайылова 2005 жылы жұмыс тауып беруге уәде еткен туысының сөзіне сеніп көрші елге кәмелетке толмаған ұл-қызымен бірге кеткен. Калиманың айтуынша, Қазақстанда оларды еркінен тыс жұмысқа салып, мал баққызып қойған. Мүгедек болып қалған әйел мен балалары ретін тауып қашып шығып, туған еліне 12 жылдан кейін ғана оралған. Отанына келген соң заң орындарына шағым түсірген. Қазақстанға оларды алдап алып шыққан туысы 30 мың сом төлегеннен кейін Калима оны кешіретіні туралы өтініш жазып, соттан алып қалған. Қырғызстанның Ош облысының милиция басқармасы Калима Исрайылова мен екі баласын құлдықта ұстау оқиғасы бойынша іс материалдарын Қазақстанның тиісті органдарына жолдаған. (Азаттықтың Қырғыз қызметінің видеосюжеті – қырғыз тілінде.)