10 cәуірде Астанаға келіп, энергетика министрлігі ғимаратының алдында түнеген жаңаөзендік мұнайшыларға "ҚазМұнайГаз" ұлттық компаниясының өкілдері келді. Олар саны 100-ден асып үлгерген наразы мұнайшылардың арасынан 10 адам шығарып, жабық есік жағдайында келіссөз жүргізуге шақырды. Жаңаөзендегі "БерӘлі Маңғыстау Company" кәсіпорны "ҚазМұнайГаз" ұлттық компаниясының еншілес мекемесі "Өзенмұнайгаздан" тендер ала алмаған соң, қызметкерлері жұмыссыз қалған.