Accessibility links

Медицина қызметкері.
Медицина қызметкері.

Бір тәулікте коронавирус инфекциясын жұқтырған 1002 адам тіркелді

Джонс Хопкинс университетінің мәліметі бойынша, әлемде коронавирус жұқтырғандар 118 млн 455 мың адамнан асты. 67 млн 95 мың адам жазылған. 2 млн 628 мың науқас қайтыс болған.

Дүниежүзілік денсаулық сақтау ұйымы Қытайдан тараған бұл вирусты "пандемия" деп жариялаған. Коронавирус жайлы қаңтардың басында белгілі болды. Оны алғаш жұқтырғандар Қытайдың Хубэй провинциясының Ухань қаласында тіркелді. Вирус тыныс алу жолын зақымдап, пневмонияны өршітеді. Бұл дерттің көбіне егде жастағылар мен созылмалы ауруы бар адамдарға салдары ауыр болуы мүмкін.

14:25 26.3.2020

Комитет: Коронавирус белгілері байқалған адамдар ғана жедел тест тапсырады

Зертхана қызметкерлері мен тұрғындар. Көрнекі сурет.
Зертхана қызметкерлері мен тұрғындар. Көрнекі сурет.

Алматыда коронавирус бойынша тест тапсыруға болады, бірақ ол үшін дәрігердің нұсқауы керек. Денсаулық сақтау министрлігіне қарасты тауар және қызмет көрсету сапасын бақылау комитеті осылай деп хабарлады.

Комитет дерегінше, қалада коронавирусқа байланысты тест өткізетін үш зертхана бар. Коронавирус белгілері байқалған адамдар ғана тестен өте алады. Дене қызуы көтеріліп, жөтелген адамдар жедел жәрдем көлігін шақыртуы тиіс немесе ауруханаға баруы керек.

Бұған дейін билік сәуір айында Алматы мен Нұр-Сұлтандағы зертханаларға жүз мың жедел тест әкелінеді деп хабарлаған.

12:34 26.3.2020

Қазақстанда тағы тоғыз адамнан коронавирус табылды, науқастар жүзге жуықтады

Көрнекі сурет.
Көрнекі сурет.

Қазақстан денсаулық сақтау министрлігі 26 наурыз түсте Нұр-Сұлтанда тағы тоғыз адамнан коронавирус анықталғанын хабарлады.

Науқастар саны жылдам артып барады. Бейсенбі күні таңертең қатарынан жеті адамнан коронавирус анықталғаны хабарланған еді.

Осылайша Қазақстанда коронавирус жұқтырғандар саны 97 адамға жетті. Алматыда - 34 адам, Нұр-Сұлтанда - 55 адам, Қарағандыда - екі адам, Шымкентте - екі адам, Алматы облысында - бір адам, Ақтөбе облысында - бір адам, Жамбыл облысында - бір адам, Солтүстік Қазақстан облысында бір адам емделіп жатыр.

25 наурызда Қазақстан үкіметі екі адам дертінен айыққанын хабарлаған.

Қазақстанда коронавирусқа байланысты 15 сәуірге дейін төтенше жағдай. 19 наурыздан бастап Алматы мен Нұр-Сұлтан қалалары карантинге көшті.

АҚШ-тағы Джон Хопкинс университетінің дерегінше, қазір әлемде 470 мыңнан астам адам вирус жұқтырды. 21 мыңнан астам адам қаза болды. 114 мыңнан астам адам дертінен айықты.

11:29 26.3.2020

АҚШ-та коронавирустан қайтыс болғандар саны мыңнан асты

Көрнекі сурет.
Көрнекі сурет.

АҚШ-та коронавирус жұқтырғандар саны 68 500-ге жуықтап, аурудан қайтыс болғандар саны мыңнан асты. Бұл туралы COVID-19 инфекциясын жұқтырғандар жайлы ақпарат тарататын сайт хабарлады.

Джонс Хопкинс университеті ашқан сайт дерегінше, 26 наурызда АҚШ-та коронавирустан қаза тапқандар саны 1032-ге жеткен. Бір күн бұрын вирустан қайтыс болғандар саны 827 болған еді.

АҚШ ауруды жұқтырғандар саны бойынша Қытай мен Италиядан кейін үшінші орында тұр.

26 наурыздағы дерек бойынша, әлемде коронавирус жұқтырғандар саны 471 мыңнан асып, 21 295 адам қайтыс болған. 114 мыңнан аса адам айыққан.

Мамандар вирусты анықтайтын тест жетіспегендіктен әлемде нақты қанша адамның коронавирус жұқтырғанын анықтау мүмкін емес, сырқаттар саны әлдейқайда көп дейді.

10:43 26.3.2020

Қазақстанда 65-тен асқан депутаттарға жұмысқа бармауға рұқсат етілді

Мәжіліс отырысы. Көрнекі сурет.
Мәжіліс отырысы. Көрнекі сурет.

Қазақстан парламентінің төменгі палатасы коронавирусқа байланысты жұмыс істеу форматын өзгертті деп хабарлады жергілікті БАҚ.

Tengrinews сайтының жазуынша, 26 наурыз күнгі мәжіліс отырысында спикер Нұрлан Нығматуллин отырысқа бірқатар депутаттар келмегенін, "ДДСҰ кеңесін ескеріп, 65-тен асқан депутаттарға жұмысқа келмеуге кеңес бергенін" айтқан.

Нығматуллиннің айтуынша, пленарлық отырысқа тек депутаттар мен заң жобасы бойынша негізгі баяндамашылар ғана қатысады.

Сайттың жазуынша, мәжіліс отырысына келген депутаттардың барлығы маска тағып келіп, бір-бірінен алшақ отырған.

Тағы

ПІКІРЛЕР

XS
SM
MD
LG