Accessibility links

Медицина қызметкері.
Медицина қызметкері.

Бір тәулікте коронавирус инфекциясын жұқтырған 1002 адам тіркелді

Джонс Хопкинс университетінің мәліметі бойынша, әлемде коронавирус жұқтырғандар 118 млн 455 мың адамнан асты. 67 млн 95 мың адам жазылған. 2 млн 628 мың науқас қайтыс болған.

Дүниежүзілік денсаулық сақтау ұйымы Қытайдан тараған бұл вирусты "пандемия" деп жариялаған. Коронавирус жайлы қаңтардың басында белгілі болды. Оны алғаш жұқтырғандар Қытайдың Хубэй провинциясының Ухань қаласында тіркелді. Вирус тыныс алу жолын зақымдап, пневмонияны өршітеді. Бұл дерттің көбіне егде жастағылар мен созылмалы ауруы бар адамдарға салдары ауыр болуы мүмкін.

09:30 2.12.2020

1 желтоқсанда коронавирус пен пневмониядан 9 адам қайтыс болды

1 желтоқсанда Қазақстанда 232 адамнан коронавирус пневмониясы анықталды, 119 науқас жазылды. Бір тәулік ішінде пневмонияның бұл түрінен 1 адам қайтыс болды.

1 тамыздан бері коронавирус пневмониясына шалдыққандар 42 447 адамға жеткен, 30 681-і жазылған, 444 адам қайтыс болған.

Жексенбі күні коронавирус жұққаны ПТР-тестпен дәлелденген науқастар арасында 8 адам өлімі тіркелді. Наурыз айынан бері 2049 адам қайтыс болды. Өлім-жітімді зерттеу комиссиясы олардың өліміне "коронавирус" себеп болғанын айтады.

Елде коронавирус жұқтырғандар мен "пневмонияға" шалдыққандар 175 565 адамға жеткен. Бірақ коронавирус пневмониясына шалдыққандар есебі Қазақстанның Covid статистикасына енгізілмеген.

Денсаулық сақтау министрлігі аймақтағы "пневмония" ахуалы жайлы мәліметті сирек жариялайды.

Қазір коронавирус инфекциясынан – 13 мың адам, коронавирус пневмониясынан 11 мың адам емделіп жатыр. Коронавирус жұққаны тестпен расталғандар арасында 223 адамның жағдайы – ауыр, 32 адамның халі – өте ауыр, 30 адам тыныс алу аппаратына қосылған.

Көптеген сарапшылар Қазақстанда коронавирус жұқтырғандар ресми мәліметте көрсетілген саннан әлдеқайда көп деп санайды.

08:26 2.12.2020

Бір күнде коронавирус жұққан 770 науқас анықталды, 499 адам жазылды

1 желтоқсанда Қазақстанда коронавирус жұққаны арнайы тестпен расталған 770 адам анықталды, 499 адам жазылды.

Денсаулық сақтау министрлігінің ақпараты бойынша, сейсенбі күні Шығыс Қазақстан облысында - 141, Солтүстік Қазақстан облысында - 107, Павлодар облысында - 106, Ақмола облысында - 90, Қостанай облысында - 84, Нұр-Сұлтанда 66 адамнан коронавирус инфекциясы анықталған. Өткен тәулікте Ақтөбе облысында науқас тіркелмеген.

Наурыз айынан бері коронавирус жұққаны тестпен дәлелденгендер 133 118 адамға жетті: 117 мыңнан астамы жазылған, 2034-і қайтыс болған.

Қазақстанның коронавирус статистикасына коронавирус пневмониясына шалдыққандар есебі енгізілмеген. 1 тамыздан бері 42 215 адамға коронавирус пневмониясы диагнозы қойылған, 443 адам қайтыс болған, 30,5 мыңнан астамы жазылған.

Бұған қоса, коронавирус статистикасына Covid жұққан, бірақ "ілеспе аурудан қайтыс болды" делінген жүздеген адам өлімі де енгізілмеген.

Кейбір мамандар Қазақстанның ресми орындары таратқан коронавирус мәліметке күмәнмен қарайды.

10:46 1.12.2020

Елде бір күнде тағы 757 адам Covid індетіне шалдықты, жеті адам көз жұмды

Қазақстан денсаулық сақтау министрлігі 1 желтоқсан күнгі ресми статистикасы бойынша, елде тағы 689 адамнан коронавирус табылып, жеті адам қайтыс болды. Бұдан бөлек, 68 адам коронавирус пневмониясына (анализі теріс, бірақ белгілері Covid дертіне ұқсайды) шалдыққан.

Қазір елде ресми статистика бойынша, 174 мыңнан аса адам індетке шалдығып, 2500-дей адам қайтыс болды. 146 мыңнан аса адам дерттен айықты. Бұл статистикаға анализінен коронавирус табылған науқастар мен коронавирус пневмониясына шалдыққандар да енген.

Денсаулық сақтау министрлігінің мәліметінше, қазір елде 13444 адам емделіп жатыр. Олардың 912-сі бала. Ауруханада 3586 науқас жатыр. 232 адамның халі ауыр, отыз адамның жағдайы өте ауыр. 31 адам жасанды тыныс алу аппаратына қосылған.

Сарапшылар Қазақстанның коронавирус статистикасына күмәнмен қарайды. Денсаулық сақтау министрлігі тамызға дейін коронавирус пневмониясына шалдыққан және қайтыс болған мыңдаған адамды ешқандай статистикаға қоспаған. Бұдан бөлек, коронавирус жұқтырған жүздеген марқұмды “өліміне басқа дерт себеп болды” деп статистикаға енгізбеді.

Өткен аптада денсаулық сақтау министрлігі ШҚО, Қостанай, Павлодар, СҚО, Ақмола облысында статистика дұрыс жүргізілмегенін анықтаған еді.

11:21 30.11.2020

29 қарашада коронавирустан 7 адам қайтыс болды

29 қарашада Қазақстанда 43 адамнан коронавирус пневмониясы анықталды, 41 науқас жазылды. Бір тәулік ішінде пневмонияның бұл түрі бойынша адам өлімі тіркелмеді.

1 тамыздан бері коронавирус пневмониясына шалдыққандар 42 147 адамға жеткен, 30 535-і жазылған, 443 адам қайтыс болған.

Жексенбі күні коронавирус жұққаны ПТР-тестпен дәлелденген науқастар арасында 7 адам өлімі тіркелді. Наурыз айынан бері 2034 адам қайтыс болды. Өлім-жітімді зерттеу комиссиясы олардың өліміне "коронавирус" себеп болғанын айтады.

Елде коронавирус жұқтырғандар мен "пневмонияға" шалдыққандар 173 806 адамға жеткен. Бірақ коронавирус пневмониясына шалдыққандар есебі Қазақстанның Covid статистикасына енгізілмеген.

Денсаулық сақтау министрлігі аймақтағы "пневмония" ахуалы жайлы мәліметті сирек жариялайды.

Қазір коронавирус инфекциясынан – 13 мың адам, коронавирус пневмониясынан 11 мыңға жуық адам емделіп жатыр. Коронавирус жұққаны тестпен расталғандар арасында 222 адамның жағдайы – ауыр, 31 адамның халі – өте ауыр, 33 адам тыныс алу аппаратына қосылған.

Көптеген сарапшылар Қазақстанда коронавирус жұқтырғандар ресми мәліметте көрсетілген саннан әлдеқайда көп деп санайды.

Тағы

ПІКІРЛЕР

XS
SM
MD
LG