Месут Озил кім?
Месут Озил 1988 жылы Германияның Гельзенкирхен қаласында туған. Әкесі Мустафа Озил 20 жасында Түркиядан Германияға көшкен. Месут Озил Германияның «Вердер», Испанияның «Реал» командаларында ойнаған. Қазір Англияның «Арсенал» клубының ойыншысы.
Германия құрамасында тоғыз жылда тоқсаннан астам ойын өткізіп, 23 гол салған. Германия құрамасы сапында 2014 жылы әлем чемпионы атанған. Футболдан Германия, Испания және Англия чемпионы.