Досан БАЙМОЛДА

мамыр 28, 2008

Үлескерлер проблемасын шешудің үкімет ұсынған жолы олардың көңілінен шыға ма?

Мамырдың 28-і күні Қазақстан үкіметінің басшысы Кәрім Мәсімов құрылыс компанияларынан алдандық деп жүрген үлескерлерге қатысты туындап отырған проблемалық мәселелерді реттеуде үкіметтің мүмкіндігі мен қаржылық жағдайы толық бар деген мәлімдеме жасады.

мамыр 27, 2008

Атырау облысында тамақтан уланып ауруханаға түскендер саны 192 адамға жетті

Атырау облысының Теңіз мұнай кенішінде мұнай өндіріп жатқан «Теңізшевройл» мұнай компаниясының екінші дәрежелі зауыт құрлысын салумен айналысып жатқан мердігерлік компания жұмысшылары өткен сәрсенбіде жеген тамақтан жаппай уланып қалды. Мамырдың 27-күнгі жағдаймен ауруханаға түскен жұмысшылар саны 192-ге жетті.

мамыр 26, 2008

Хасен Қожа-Ахмет шетелден саяси баспана сұрамақшы

1986 жылғы Желтоқсан көтерлісіне қатысқаны үшін 4 жылға сотталған, Қазақстандағы «Азат» азаматтық қозғалысының төрағасы Хасен Қожа-Ахмет дүйсенбі күні Алматыда «Өз халқыма және демократиялық мемлекеттердің басшыларына» деген атпен мәлімдеме таратты.

мамыр 22, 2008

Қазақстанда жанар-жағар май бағасы неге қымбаттап отыр?

Қазақстанда соңғы аптада жанар-жағар май, бензин бағасы тағы да қымбаттады. Тіпті кейбір аймақтарда жанар-жағармай тапшылығы байқалып отыр. Ал кішігірім жанар-жағармай бекеттерінің иелері болса дизелдік отын мен бензин бағасын үкімет жасанды жолмен қымбаттатып отыр деп айыптауда.

мамыр 15, 2008

Қазақстанда «Халық кеңесі» атты қоғамдық парламент құрылды

Мамырдың 12-сі күні Алматыда бірқатар саяси партиялар, қоғамдық және үкіметтік емес ұйымдардың жетекшілері «Халық кеңесі» атты қоғамдық парламент құру туралы хаттамаға қол қойды.

мамыр 14, 2008

«Шаңырақ ісі» бойынша негізгі куәгерлер өздерінің бұған дейін сотта берген жауаптарынан бас тартып отыр

2006 жылы маусымның 14-і күні Алматы қаласының «Шаңырақ» ықшамауданында болған жаппай тәртіпсіздік оқиғасы бойынша негізгі куәгерлер ретінде тергеу жұмысына және сот ісіне қатысқан ағайынды Айбатыр мен Бауыржан Ибрагимовтер өздерінің берген бұрынғы айғақ жауаптарынан бас тартып, бұл жағдайға өздері полиция тергеушілерінің қысымы және заңсыз әрекеттері салдарынан барғандықтарын мәлімдеп отыр. Олар осыған байланысты жуырда Қазақстанның Бас прокуроры Рашид Түсіпбеков пен Қазақстанның Жоғарғы сотының төрағасы Қайрат Мәмидің атына арыз-өтініштерін жолдап қойыпты.

мамыр 13, 2008

Қазақстанда алғаш рет «Биржа» ұлттық ойны басталғалы отыр

Алматы қаласында құрылатын аймақтық қаржы орталығының іс-әрекетін реттейтін агенттік Қазақстанның қаржы министрлігі, мемлекеттік «Самұрық» холдингі және «Deloitte» және «Ренессанс Капитал» компанияларының қолдауымен осы аптада «Биржа» деп аталатын ұлттық ойын жобасын іске қосқалы отыр.

мамыр 12, 2008

Мұхтар Құл-Мұхаммед Қазақстанның мәдениет және ақпарат министрі болып тағайындалды

2007 жылдың қаңтар айынан бері Қызылорда облысының әкімі қызметінде болған 47 жастағы Мұхтар Құл-Мұхаммед дүйсенбі күнгі Қазақстан президентінің жарлығымен Қазақстанның мәдениет және ақпарат министрі болып тағайындалды. Бұл оның осы қызметке осымен екінші рет келуі.

мамыр 06, 2008

Қаржы полициясы Ж.Құлекеевке шындыққа сай келмейтін айып тағып отыр дейді оның адвокаты

Қазақстанның экономикалық қылмыс және сыбайлас жемқорлыққа қарсы күрес агенттігі (Қаржы полициясы) тарапынан тағылған айып бойынша тұтқындалып, қазірде қамауда отырған «Қазақстан темір жолы» компаниясының бұрынғы басшысы Жақсыбек Құлекеевтің қорғаушысы Сәлімжан Мусин сейсенбі күні Алматыда БАҚ өкілдері мен журналистер қауымы алдында жасаған мәлімдемесінде, қаржы полициясы басшыларының Ж.Құлекеев 100 мың АҚШ доллары көлемінде пара алып жатқан кезде тұтқындадық деп дүниеге жар салып айтып жүргендері шындыққа сай келмейді дегенді айтты.

мамыр 05, 2008

Қазақстанда сөз бостандығы қандай дәрежеде?

Қазақстандағы сөз бостандығы шектеулі жағдайда деген тәуелсіз журналистер мен халықаралық ұйымдардың пікірімен ресми үкімет өкілдері келіспейді.

сәуір 28, 2008

Сатпаев атындағы каналдың жұмысшылары наразылық акциясына шықпады

Бұдан бұрын хабарланғанындай, сәуірдің 28-і күні Сатпаев атындағы каналдың Қарағандылық бөлімшесінің жұмысшылары бірнеше айдан бері төленбеген айлық жалақыларын талап етіп аштық акция өткізетіндерін жариялаған болатын. Алайда «Сатпаев атындағы канал» мемлекеттік кәсіпорнының Қарағанды бөлімшесінің кәсіподақ комитетінің өз аты-жөнін айтқысы келмеген өкілі жұмысшылардың аштық жариялау акциясы дүйсенбі күні өтпегенін айтты.

сәуір 26, 2008

Баспасөзге шолу. 04.26.2008 жыл

Сенбі күні Қазақстанда жарық көрген мерзімді басылымдарда Алматы қаласында екі күнге жалғасқан жетінші еуразиялық медиа форум туралы және онда қозғалған тақырыптар жайында сарапшылардың ой-пікірлері басылыпты. Сондай-ақ 100 мың АҚШ доллары шамасында пара алды деген күдікпен қазірде қамауда отырған «Қазақстан темір жолы» компаниясының бұрынғы басшысы Жақсыбек Құлекеевке қатысты оның адвокаты мен тергеу органдарының қарама-қайшы пікірлері беріліпті.

сәуір 24, 2008

Алматыда VII Еуразиялық Медиа Форум басталды

Бейсенбі күні Алматы қаласында жетінші Еуразиялық Медиа Форум өз жұмысын бастады. Биылғы жиынның бұрынғыларға қарағанда бір өзгешелігі - форум жұмысы екі күнге деп жоспарлаған.

сәуір 21, 2008

Ақжар ауылының «Эдельвейс» саяжайының тұрғындары 5 әйелдің өліміне «Базис-А» корпорациясының директорларының бірін кінәлайды

Осыдан бір ай уақыт бұрын, наурыздың 20-күні кешкісін Алматы облысы Қарасай ауданының Ақжар аулындағы «Эдельвейс» саяжайының тұрғындарын төтенше оқиға дүр сілкіндірді. Осы саяжай орналасқан Ақсай шатқалындағы таудың бір қабырғасы кенеттен өзінен-өзі опырылып құлап, тау етегінде отырған бір үйді тас-талқан етіп басып қалып, тағы бірнеше үйдің бау-бақшасын бұзып-бүлдіріп кеткен еді.

сәуір 17, 2008

Қазақстан Парламенті БҰҰ-ның сыбайлас жемқорлыққа қарсы конвенциясын бекітті

Өткен наурызда Қазақстан Парламентінің мәжілісі БҰҰ-ның сыбайлас жемқорлыққа қарсы конвенциясын мақұлдаған болса, осы жолы парламент сенатының депутаттары конвенцияны бекітті. Енді заңға ел президентінің қол қоюы ғана қалды. Бұл конвенцияны БҰҰ-ның Бас ассемблеясы 2003 жылдың қазан айының 31-і күні Нью-Йорк қаласында қабылдаған болатын.

сәуір 14, 2008

Әлиевтің қылмысы жайлы фильм

Өткен жұма күні мемлекеттік «Қазақстан» телеарнасы кешкі сағат 8-ден кеткенде «Тас-талқаны шыққан бүлік» («Разрушенный заговор») атты хроникалық оқиғаларға негізделген 37 минуттық орыс тіліндегі деректі фильм көрсетті. Бұдан екі күн бұрын кейбір интернет сайттарында, авторы Рахат Әлиев деп көрсетілген, 250 бет көлемінде бір кітап жарияланған болатын. Бірақ келесі күні Р.Әлиев әлгі жарияланған кітапқа өзінің ешқандай қатысы жоқтығын айтып, оны Қазақстанның қазіргі билігіне жақын жүргендердің ісі деген мәлімдеме таратты.

сәуір 09, 2008

Қазақстанда НАТО – Қазақстан екінші әріптестік апталығы өтіп жатыр

НАТО-Қазақстан арасындағы Бірінші Әріптестік апталығы 2006 жылдың маусым айында өткен болатын. Осы жолы сәуірдің 7-сінен 11-і аралығында Астана және Алматы қалаларында өтілетін НАТО-Қазақстан апталығын өткізу үшін НАТО ның арнайы делегациясын НАТО бас хатшысының Орталық Азия бойынша арнайы уәкілі Роберт Симмонс басқарып келіпті.

сәуір 08, 2008

Діни сенім бостандығы туралы заң қандай болуы керек?

Сейсенбі күні Алматыда бір топ қоғам және дін өкілдері «Діни сенім бостандығы мен діни бірлестіктер туралы» заңға өзгертулер мен толықтырулар енгізу жөнінде парламент мәжілісінің 6 депутаты мен парламент сенатының екі депутатының ұсыныстарына өздерінің қолдауларын көрсетті.

сәуір 03, 2008

Белгілі журналист Бақытжан Мұқышев дүниеден өтті

Қазақстандағы тәуелсіз баспасөздің көрнекті өкілдерінің бірі әрі ұйымдастырушысы деп танылған, талантты журналист Бақытжан Мұқышев сәуірдің 1-і күні өмірден қайтты. Марқұмның небәрі 56 жасында өмірден өтуіне былтырғы жылдың тамыз айының 10-ы күні Алматы қаласында болған автокөлік апаты себеп болды.

сәуір 02, 2008

Алматыда Бейжің-2008 жазғы олимпиадасы алауының эстафетасы өтті

Сәуірдің 2-сі күні Алматыдағы, Медеу шатқалында орналасқан әйгілі мұз айдыны стадионында Бейжің-2008 жазғы олимпиадасы алауының эстафетасы басталды. Бейжіңде алдағы тамыз айының басында өтетін 29-шы жазғы олимпиада алауы әуелі олимпиада отаны саналатын Грекияда өткен наурыздың 24-і күні тұтатылған болатын. Содан олимпиада алауы наурыздың 30-і күні Қытай астанасы Бейжің қаласына жеткізіліп, арада бір күн өткенде әлем қалалары арасынан алғашқы болып Алматыға арнайы ұшақпен жеткізілді. Алматы көшелерімен олимпиада алауын алып жүгіретін 80-дей алау ұстаушылардың арасында Қазақстанның белгілі спортшылары, мәдениет және өнер қайраткерлері сондай-ақ саясаткерлер мен кәсіпкерлерде болды.