Досан БАЙМОЛДА

наурыз 31, 2008

Рахат Әлиев және оның сыбайластарына қатысты сот шешіміне байланысты Қазақстанның «Азат» демократиялық партиясы мәлімдеме жариялады

Мәлімдемеде айтылғанындай, 2001-ші жылдың қараша айында алғаш рет «Қазақстанның Демократиялық Таңдауы» қозғалысы құрылған уақыттан бері жуырда аты «Азат» болып өзгерген бұрынғы «Ақ Жол» партиясынан бөлінген «Нағыз Ақ Жол» партиясы көп жылдары бойы Р.Әлиевтің қылмыстық істері жөнінде қоғамда ашық айтып келген.

наурыз 19, 2008

Қазақстандық құқық қорғаушылар, елдегі терроризм және экстремизмге қарсы күрес науқаны барысында адам құқығының жаппай бұзылып жатқандығына алаңдаушылық танытты

Қазақстандағы адам құқығы және заңдылықты сақтау жөніндегі халықаралық бюро мен Алматыдағы Хельсинкий комитетінің сәрсенбі күні бірлесіп таратқан мәлімдемесінде, Қазақстан ата заңы бойынша адам құқығы мен бостандығы ең басты конституциялық принцип болатындығына қарамай соңғы кезде елде жүріп жатқан терроризм мен экстремизмге қарсы күрес науқаны барысында ұлттық қауіпсіздік мәселесі желеу етіліп, елдегі адам құқығының сақталуы мәселесінде көптеген заң бұзушылықтардың болып келе жатқандығы айтылыпты.

ақпан 27, 2008

Оңтүстік Қазақстан облысындағы су тасқыны зардабын жою жұмыстарына арнап үкіметі тағы да жарты миллиард теңге бөлмекші

Ақпанның 21-22 күндері Оңтүстік Қазақстан облысының 3 ауданы - Сарығаш, Ордабасы және Арыс аудандарының жері су тасқынына ұшырап, көптеген үй-баспаналар қирап, сан мыңдаған тұрғындар зардап шеккендігіне байланысты үкімет 500 миллион теңгенің қаржысын бөлген болатын. Сейсенбі күні үкімет су тасқынынан зардап шеккен тұрғындарға арнап тағы да 500 миллион теңгенің қаржысын бөлуге шешім шығарды.

ақпан 25, 2008

Иран Ислам Республикасының Қазақстандағы елшісі Р.Михманпараст өз елінің ядролық бағдарламасы бейбітшілік мақсатты көздейтінін айтады

Дүйсенбі күні, Алматыда қазақстандық және шетелдік ақпарат құралдары өкілдерімен болған кездесуде, Иран Ислам Республикасының Қазақстандағы өкілетті әрі төтенше елшісі Ромин Михманпараст АҚШ бастаған батыс елдерінің Иранның ядролық бағдарламасына қатысты осы елге экономикалық санкцияны қатайтуды көздеп отырған саясатына қарамастан, Иран өзінің бейбіт мақсатта атом энергиясын пайдалану жөніндегі бағдарламасынан бас тартпайды деп мәлімдеді.

ақпан 22, 2008

Қазақстандық бір топ қоғам өкілдері академик Мұхтар Әлиевтің денсаулық жағдайына байланысты Қазақстан президентіне үндеу жолдады

Қазақстан президенті Н.Назарбаевқа, парламенті сенатының төрағасы Қ.Тоқаев пен мәжіліс төрағасы А.Мусиннің атына жолданған аталмыш үндеуде қазақстандық ғалымдар мен қоғам қайраткерлерінің бір тобы биыл жасы 75-ке толған академик Мұхтар Әлиевтің қазір денсаулық жағдайы жақсы еместігінен оның шетелге барып емделу қажеттігін айтып, бұл мәселеге мемлекет басшыларының ерекше көңіл бөліп, адамгершілік тұрғысынан қараса деген өтініш-тілектерін білдіріп отыр.

ақпан 21, 2008

Тәуелсіз Бақылаушылардың Республикалық Жүйесі билік органдары жұмысының айқындығын өз бақылауларына алмақшы

Тәуелсіз Бақылаушылардың Республикалық Жүйесі Еуропалық Комиссияның Қазақстандағы өкілдігінің қаржылай қолдауымен «Ақпаратқа қол жеткізу – адам құқықтарының халықаралық стандарттарына сәйкес азаматтың негізігі құқығы болып табылады» жобасын Қазақстанның 8 облысы мен Астана және Алматы қалаларында жүзеге асыруға кірісті. Еуропа Комиссиясының Қазақстандағы өкілдігі бөліп отырған 90 мың еуролық қаржыға бағаланған бұл жобаның мерзімі 2 жыл.

ақпан 19, 2008

Академик Мұхтар Әлиевкее үйінде заңсыз қару жарақ сақтады деген айып тағылып отыр

Қазақстан президентінің бұрынғы күйеу баласы Рахат Әлиевтің әкесі академик Мұхтар Әлиев заңсыз қару-жарақ сақтаған деген күдікпен қылмыстық іске тартылып, елден шықпау жөнінде қолхат берген. Бұдан бұрын Қазақстан сотының үкімімен 20 жылға сырттай түрме жазасына кесілген Рахат Әлиев әкесінің шетелге шығып емделуіне Қазақстан билігі кедергі жасап отыр деп мәлімдеген болатын.

ақпан 14, 2008

Ақтөбе облыстық сотының төрағасы М.Есжанов Қазақстанның Бас прокуратурасы тарапынан өзіне тағылған айыпты негізсіз деп санайды

Бейсенбі күні Алматыда БАҚ өкілдері мен журналистер қауымы алдында осылай мәлімдеме жасаған Ақтөбе облыстық сотының төрағасы Мұқтар Есжанов Қазақстанның Бас прокуратурасының өзіне қарсы қылмыстық іс қозғағаны туралы хабарды естіп өзінің аң-таң болғанын айтты. Судья өзінің ескі танысы, бір кездері Жоғары сотта бірге қызметтес болған, ал бүгінде Қазақстанның бас прокуроры қызметіндегі Рашид Түсіпбековтің атына арнайы мәлімдеме жолдағанын хабарлады.

ақпан 13, 2008

Қарасу тұрғындары Алматыдағы Жетісу аудандық соты алдында наразылық шарасын өткізді

Алматы қаласы маңындағы Қарасу елді мекенінің бір топ тұрғыны ақпанның 13-күні, қыстың суық күніне қарамастан, Жетісу аудандық сот алдында наразылық пикетіне жиналды. Осылайша тұрғындар өздерін заңсыз жер пайдаланып отыр деп шығарған сот шешіміне қарсылығын білдірді.

ақпан 12, 2008

Алматы қаласы маңында МиГ-29 әскери ұшағы апатқа ұшырады

Ақпанның 12-күні Алматының түбінде болған әскери ұшпақ апатынан бір ұшқыш қаза тауып, екінші ұшқыш ауыр жарақатпен ауруханаға жеткізілген.

ақпан 11, 2008

Оңтүстіктегі Сырдарияның жағалауындағы елді мекендерге су астында қалу қаупі төніп тұр

Бұл туралы дүйсенбі күні «Азаттық» радиосына хабарлаған Оңтүстік Қазақстан облысы әкімдігінің баспасөз қызметінің жетекшісі Бейсен Тәжібаевтың айтуынша, әкімдіктің басқаруымен ішінде төтенше жағдайдың мамандары бар арнайы комиссия Сырдарияның жағалауында орын тепкен 15 мыңнан астам адамы бар 20 шақты елді мекеннің су астында қалу қаупі бар екендігін анықтапты.

ақпан 06, 2008

Қазақстан оппозициясы ел президентінің халыққа арнаған кезекті жолдауынан қоғам күткен көкейкесті сауалдарға жауап ести алмағандарын айтады

Сәрсенбі күні Астанада Қазақстан президенті жыл сайынғы дәстүрлі Жолдауын жасады. Былтырғыдай биыл да парламенттегі жолдау сәті тікелей телерадиоэфирден берілген жоқ. Дегенмен ол туралы әртүрлі ақпарат көздерінен хабар алған оппозиция өкілдері президент жолдауында жұрт күткен мәселелерге қатысты мардымды ештеңе айтылмады деген сыни пікір айтып жатыр.

ақпан 05, 2008

Оңтүстік Қазақстан облысында ВИЧ індетін жұқтырған балалардың ата-аналары қосымша әлеуметтік жеңілдіктер болуын талап етуде

Дүйсенбі күні, Шымкентте ВИЧ індетін жұқтырған осы балалардың ата-аналарынан оншақты адам облыстық әкімшілік ғимараты алдына жиналып, облыс басшылығымен кездестіруді талап еткен акция өткізген. Ақыры кешкісін ашу, ызалы ата-аналар тобын облыстық әкімінің орынбасары Дарқан Мыңбай мырза қабылдап олардың талаптарын тыңдаған.

ақпан 04, 2008

«Қазақмыс» кеншілерінің екі күнге жалғасқан ереуілі аяқталды

«Қазақмыс» компаниясының Сәтпаев қаласында орналасқан шахталарында жаппай ереуіл аяқталды. Жұмысшылар кәсіпорын әкімшілігі кеншілердің негізгі әлеуметтік талаптарын қабылдауға келіскен соң ереуілді тоқтатты. Сенбі күні басталған ереуілге қатысқан жүздеген кенші еңбекақыны көтеруді талап етіп жер астынан шықпай қойған. Олар басқа да әлеуметтік талаптарды қойды. Сатпаевтағы ереуілді бақылауға келген оппозиция белсенділерін Жезқазған қаласының полициясы ұстап, бір сағаттан кейін босатты дейді тіркелмеген «Алға» оппозициялық партиясы.

ақпан 01, 2008

Human Rights Watch ұйымы әлем елдеріндегі адам құқығының қорғалуына арнаған жылдық баяндамасын жариялады

Нью-Йоркте орналасқан Адам құқығын қорғайтын Human Rights Watch ұйымы әлем елдеріндегі адам құқығының қорғалуы мәселесіне арнаған жыл сайын шығаратын дәстүрлі қортынды баяндамасын жариялады. Онда әлем елдерінің авторитарлық жүйе құрған әміршіл-әкімшіл басшыларды демократ жетекші ретінде елге көрінуі үшін демократия туралы, елде демократиялық қоғам құру туралы жақсы сөздерін айта отырып, шын мәнінде елде сайлауды заңды жолмен дұрыс өткізбеуге, баспасөзді шектеп, цензура енгізуге жол беріп отырғандығы айтылған.

қаңтар 30, 2008

Үкіметтік комиссия «Абай» шахтасында болған апатқа қатысты тексеру қортындысын жария етті

Қаңтардың 11-і күні «Абай» шахтасында болған апаттың себептерін тексеру үшін Қазақстанның төтенше жағдайлар министрі Владимир Божко басшылық еткен үкіметтік комиссия қаңтардың 29 күні тексеру, зерттеу жұмыстарының қортындысын шығарып, комиссия осы апатқа кінәлі деп тапқан адамдардың есімдерін атады. «Абай» шахтасында болған жарылыс салдарынан 30 кенші қаза болып, 14 кенші түрлі жарақаттармен ауруханаға түскен болатын.

қаңтар 29, 2008

ArcelorMittal компаниясының әкімшілігі мен «Қорғау» кәсіподағы еңбекақыға қатысты келісімге келді

Бұл туралы сейсенбі күні «Азаттыққа» хабарлаған «Арселор Миттал» компаниясына қарасты «Арселор Миттал Теміртау» компаниясының көмір департаменті басшысының көмекшісі Алмас Рысқұлов қарағандылық кеншілердің компания басшылығы алдына қойып отырған ең басты талабының бірі ол кеншілердің еңбек ақысын 50 пайызға көтеру туралы болғандығын айтты.

қаңтар 28, 2008

Алматыда Түрік компаниясына белгісіз біреулер шабуыл жасап, жұмысшыларды соққыға жыққан

Алматыда жұмыс істейтін Түркияның «B.N.N.Pegasus» компаниясына шабуыл жасаған белгісіз адамдар сонда жұмыс істейтін штелдік 4 кісіні соққыға жыққан.

қаңтар 23, 2008

«Қазақмыс» компаниясының кеншілері еңбекке қатысты қойған талаптары орындалмаса, ереуілге шығатындарын ескертті

Қарағанды облысындағы Сатпаев қаласында орналасқан, «Қазақмыс» корпорациясына қарасты «Оңтүстік» кеніш орнындағы үш шахтаның бірі, №65-ші шахтаның кеншілері егер де корпорация басшылығы ақпанның біріне дейін талаптарымызды орындамаса, жұмысты доғарып, ереуіл бастаймыз деп мәлімдеп отыр.

қаңтар 21, 2008

«Абай» шахтасындағы апаттан соң «Арселор Миттал Теміртау» компаниясына қарасты шахталардағы кеншілер компания басшылығына өз талаптарын қойып отыр

«Арселор Миттал Теміртау» компаниясына қарасты шахталарда жұмыс істейтін кеншілердің кәсіподағы ұйымы төрағасының орынбасары Сергей Шипков дүйсенбі күні «Азаттық» радиосына берген сұқбатында шетелдік миллиардер Лакшми Миттал қожайындық ететін осы компанияға қарасты көмір шахталарындағы жағдайды өте ауыр деп айтты.