Қазақстанда 4 жарым мыңнан астам адам жүре пайда болған иммунитет тапшылығы синдромы, яғни СПИД-ке шалдыққан. Олардың 1 жарым мыңға жуығы Қарағанды облысының тұрғындары. СПИД-ке қарсы күрес жүргізу орталығының эпидемиолог дәрігері Раиса Бектемірованың айтуынша, алғашқы жылдары аурудың 90 пайызы нашақорлардың арасынан шықса, соңғы жылдары жыныстық жолмен жұқтыратындар саны артып отыр. «1997 жылдың өзінде 397 адам анықталған. Соның 90 пайызы нашақорлар болатын. Ал соңғы жылдары вирусты жыныстық қатынас арқылы жұқтырушылар саны көбейіп келеді. Биылғы жылы олардың саны 50 пайызға жетті», - дейді Раиса Бектемірова.
