Әзірбайжан алдағы Таулы-Қарабах сайлауларын мойындамай отыр.

Әзірбайжан этникалық армяндар тұратын Таулы-Қарабах аймағының алдағы болатын президенттік сайлауларын мойындамайтынын білдірді. Әзірбайжан сыртқы істер министрлігі бейсенбі күнгі мәлімдемесінде, 19-шы шілдеде өтетін дауыс берулер заңсыз әрі оның қандай да бір нәтижесі заңды болмайды деген. Бұл мәлімдемеде Таулы Қарабахта сайлаулар бұл жердегі Армения күштері шығарылғанда ғана бола алады делінген. Әзірбайжаннан 1988 жылы бөлініп шыққан бұл анклавтағы 6 жылғы қақтығыста 30 мың адам қаза болды.