Accessibility links

ҰҚК: Ақтөбеде 5 күдіктінің көзі жойылды


Арнайы операция өтіп жатқан аудан. Ақтөбе, 10 маусым 2016 жыл.
Арнайы операция өтіп жатқан аудан. Ақтөбе, 10 маусым 2016 жыл.

Ақтөбеде 5 маусымдағы шабуылдарға күдікті бес адамның көзі жойылды деп хабарлады Ұлттық қауіпсіздік комитетінің (ҰҚК) ресми сайты.

ҰҚК ақпаратына қарағанда, 4 күдіктінің көзі Ақтөбедегі арнайы операция жүргізіліп жатқан Некравос көшесі бойынша орналасқан көп қабатты үйлердің біріндегі пәтерде жойылған.

"Жедел-тергеу шаралары нәтижесінде террористердің Некрасов көшесіндегі үйдің пәтерінде екені анықталды. ҰҚК мен ішкі істер министрлігінің арнайы мақсаттағы құрылымдары террористер орналасқан пәтерді қоршап, жапты. Келіссөз кезінде террористер өз еркімен берілуден бас тартып, оқ атты" делінген ресми хабарламада. Бұдан кейінгі келіссөз "нәтижесіз" болып, арнайы жасақ пәтерге шабуылдап төрт күдіктінің көзін жойған.

Осы уақытта Мясоедов пен Арынов көшелерінің қиылысында "террористердің серігі" патруль полициясы экипажына "тегіс ұңғылы қарудан оқ атып", өзі полиция қызметкерлерінің қарсы атқан оғынан мерт болған. Екі полиция қызметкері жеңіл жараланған.

ҰҚК мәліметінше, операциядан бейбіт тұрғындар мен қауіпсіздік күштері қызметкерлері арасында қаза тапқандар мен зардап шеккендер жоқ.

Ақтөбеде 5 маусымда болған шабуылдарға күдіктілерді ұстау, көзін жою операциясы 10 маусым күні түнде Некрасов көшесі бойындағы "Отрар" дүкені орналасқан үйде басталған.

Қазір Ақтөбеде шабуылға күдікті қалған адамдарды іздестіру жұмыстары жүріп жатыр. ҰҚК террорға қарсы операцияның аяқталғаны туралы қосымша хабарланатынын айтады.

Ақтөбедегі арнайы операция туралы видео

Арнайы операция
please wait
Embed

No media source currently available

0:00 0:00:44 0:00

XS
SM
MD
LG