Accessibility links

Лондонда алтын алған 4 қазақстандық ауыр атлет допинг дауына ілінді


Илья Ильин Лондон олимпиадасы кезінде.

Илья Ильин Лондон олимпиадасы кезінде.

IWF (Халықаралық ауыр атлетика федерациясы) Лондон олимпиадасының сынамаларын қайта тексерген кезде қанынан допинг табылған ауыр атлеттердің тізімін жариялады.

Тізімде Қазақстан құрамасының сапында Лондонда алтын алған Илья Ильин, Зүлфия Чиншанло, Мая Манеза және Светлана Подобедова бар. Қазақстан атлеттері рұқсат етілмеген препараттар қолданған деп айыпталған.

Тізімде төрт қазақстандық ауыр атлеттен бөлек Ресей, Әзербайжан, Укарина, Белfhecm спортшылары бар.

Тізімдегі он атлет алда болатын жарыстардан уақытша шеттетілді.

Қазақстан Лондон олимпиадасында жеті алтын алған. Сол жеті алтынның төртеуін ауыр атлеттер иеленген еді.

Төрт ауыр атлет енді алтын жүлделерінен айырылып, Қазақстан Лондон олимпиадасында медаль саны бойынша жалпы командалық көрсеткіш бойынша алған 12-орыннан 23-орынға түсіп қалуы мүмкін.

Ереже бойынша допинг қолданды деп танылған спортшылар жарыста алған жүлдесінен айырылып, өзінен кейінгі орын алған спортшыға беріледі.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG