Accessibility links

Қарин: Қазақстанда Қытай қаупі асыра айтылады


Ерлан Қарин, Қазақстан стратегиялық зерттеулер институтының директоры.

Ерлан Қарин, Қазақстан стратегиялық зерттеулер институтының директоры.

Қазақстан стратегиялық зерттеулер институтының (ҚСЗИ) директоры Ерлан Қарин Қазақстанда Қытайдың экономикалық экспансиясы күшейіп кетеді деген қауіп негізсіз деп мәлімдеді. Жергілікті агенттіктердің хабарлауынша, Қарин бұл туралы Астанада институт өткізетін Орталық Азиядағы қауіпсіздік мәселелеріне арналған конференцияда айтқан.

Қариннің сөзінше, Қазақстан қоғамында "қытайлықтар келсе барлығын сатып алады" деген пікір іс жүзінде дәлелденбеген. Ол Қазақстанда тіркелген бизнес субъектілері саны жөнінен Қытай бесінші орында тұрғанын, оған дейінгі орындарда Ресей, Түркия, Нидерланды және Германия тұрғанын айтады.

Қарин сонымен қатар Қазақстснда 1 мыңнан астам қытайлық, Қытайда 11 мыңға таяу Қазақстан азаматы оқып жатыр.

Өткен айларда Қазақстан үкіметі ауылшаруашылығы мақсатындағы жерді сату және шетелдіктерге жалға беру жоспарын жариялағанда қазақстандықтардың көбі жерді "Қытай кәсіпкерлері жалға алып, қайтармай қоюы мүмкін деген қауіп білдіре бастаған.

XS
SM
MD
LG