Accessibility links

Халықаралық ауыр атлетика федерациясы (IWF) 2008 жылғы Пекин олимпиадасының сынамаларын қайта тексергенде допинг іздері табылған спортшылардың тізімін жариялады.

Тізімде Пекин олимпиадасында 94 килограмм салмақта чемпион атанған қазақстандық ауыр атлет Илья Ильин де бар. IWF Ильиннің Пекиндегі сынамасынан станозол табылғанын хабарлады.

Осыған дейін Халықаралық ауыр атлетика федерациясы (IWF) Лондон олимпиадасы (2012) кезінде алынған сынамаларды қайта тексергенде 10 атлеттің допинг қолданғаны расталғанын хабарлаған. Ол тізімде де Илья Ильиннің есімі болған.

Халықаралық ауыр атлетика федерациясы жариялаған «допинг сынамалары оң нәтиже берген» спортшылар тізімінде 2012 жылғы Лондон олимпиадасында алтын ұтып алған қазақстандық ауыр атлеттер - қазақстандық Светлана Подобедова, Зүлфия Чиншанло және Мая Манеза да енген.

Енді бұл спортшыларды олимпиада медалінен айыру және Рио олимпиадасына жіберу мәселесін Халықаралық олимпиада комитеті шешеді.

Пекин олимпиадасында Қазақстан екі алтын, төрт күміс, жеті қола медальмен жалпы есепте 29-орын алған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG