Accessibility links

Есентаевтың ісі процессуалды келісімге жіберілді


Бард әнші Жанат Есентаев.

Бард әнші Жанат Есентаев.

Орал қалалық сотының судьясы Руслан Жұмағұлов бард-әнші, белсенді Жанат Есентаевтың қылмыстық ісін Батыс Қазақстан облыстық прокуратурасына жаңа процессуалды келісім жасауға жіберді.

Судья Есентаев жаңа процессуальды келісім шарттарымен келіспесе іс қайта сотқа түсетінін ескертті.

Есентаевтың адвокаттарының бірі Лариса Симоненко Азаттық тілшісіне прокуратура мұндай өтініштерді бір аптада қарайтынын айтты.

Оралдағы Есентаевтың сотына оның туысқандары мен достары келді. Судья аудио жазуға, фото және видео түсіруге рұқсат берген жоқ.

Оралдық белсенді Жанат Есентаев «әлеуметтік, ұлттық, рулық, нәсілдік, таптық немесе діни алауыздық тудыру» деген айыппен екі айға қамалған.

Оған «Facebook парақшасында азаматтардың ұлттық қадір-қасиетін қорлап, араздық тудыратын жазбалар жариялаған» деген де айып тағылған.

30 маусымда Есентаев тергеумен процессуальды келісім жасап, тағылған айыптарды мойындаған. Ал 9 шілдеде интернетте жарияланған хатында белсенді "ағайын орыс халқынан" кешірім сұрап, өзінің әлеуметтік желілердегі жазбаларын "эмоция" деп атаған.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

XS
SM
MD
LG