Accessibility links

Ресей ауыр атлеттері Рио олимпиадасынан шеттетіледі


Пекин олимпиадасында допинг қолданды деп айыпталған ресейлік ауыр атлет Надежда Евстюхина.

Пекин олимпиадасында допинг қолданды деп айыпталған ресейлік ауыр атлет Надежда Евстюхина.

Халықаралық ауыр атлетика федерациясы (IWF) допинг ережесін бұзғаны үшін Ресей ауыр атлетика құрамасын Рио олимпиадасынан шеттетті. Бұл туралы IWF өзінің ресми сайтында хабарлаған.

Ресей ауыр атлетика құрамасы басында Рио олимпиадасына он жолдама алған. Кейін IWF Хьюстондағы әлем чемпионаты кезінде екі ресейлік ауыр атлеттің сынамалары оң нәтиже берген соң екі жолдаманы алып алған. Ресей ауыр атлетика құрамасы Риоға сегіз спортшымен қатысуы тиіс еді.

Сондай-ақ Пекин мен Лондон олимпиадасына қатысқан спортшылардың анализдерін қайта тексергенде жеті ресейлік ауыр атлеттің сынамасы оң нәтиже берген.

Маусымда Халықаралық жеңіл атлетика федерациясы допинг ережесін сақтамағаны үшін Ресей жеңіл атлетика құрамасын толығымен Рио олимпиадасына қатысу құқығынан айырған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG