Accessibility links

Рио олимпиадасының ашылу салтанаты өтті


Ашылу салтанатындағы Қазақстан делегациясы. Рио-де-Жанейро. 5 тамыз 2016 жыл.

Ашылу салтанатындағы Қазақстан делегациясы. Рио-де-Жанейро. 5 тамыз 2016 жыл.

Бразилияның Рио-де-Жанейро қаласындағы Маракана стадионында 31-жазғы олимпиада ойындарының ашылу салтанаты өтті.

Төрт сағатқа жалғасқан ашылу салтанатындағы қойылымда жерде тіршіліктің бастау алған сәтін, Бразилия мәдениетін және Риодағы кедей халық тұратын фавелалардағы өмірді бейнелейтін көріністер көрсетілді. Ғаламдық жылыну мәселесі де қойылымға арқау болды.

Олимпиада алауын Афин олимпиадасының қола жүлдегері, марафоншы Вандерлей де Лима тұтатты.

Қойылымдардан кейін олимпиадаға қатысатын 205 елдің спортшыларының шеруі өтті. Олимпиадаға 104 спортшы апарған Қазақстанның мемлекеттік туын құраманың мүшесі, таэквондошы Руслан Жапаров ұстап шықты. Салтанатты шеруге босқындар құрамасы мен тәуелсіз спортшылар да қатысты.

Ашылу салтанатына Халықаралық олимпиада комитеті президенті Томас Бах, БҰҰ бас хатшысы Пан Ги Мун, Бразилия президентінің міндетін атқарушы Мишел Темер және 40 астам елдің президенттері қатысты.

Олимпиада ұйымдастыру комитетінің дерегінше, ашылу салтанатын әлем бойынша 3 миллиардқа жуық адам тамашалаған.

Ашылу салтанаты басталатын күні Рионың бірнеше жерінде олимпиаданың өтуіне қарсы шаралар мен митингтер өткен.

Олимпиадалық ойындар 21 тамызда аяқталады.

Рио олимпиадасының ашылу салтанаты туралы фотогалерея:

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG