Accessibility links

Боксшы Василий Левит олимпиада күмісін алды


Қазақстандық боксшы Василий Левитке Рионың күміс медалі табыс етілген сәт.

Қазақстандық боксшы Василий Левитке Рионың күміс медалі табыс етілген сәт.

Рио олимпиадасындағы бокс жарысында 91 килограмм салмақтың финалында қазақстандық Василий Левит пен ресейлік Евгений Тищенко кездесті.

Үшінші раундта қазақстандық боксшы басым көрінгенімен төрешілер бірауыздан Ресей боксшысын жеңімпаз деп таныды. Залдағы ондаған жанкүйер нәтижемен келіспей наразылық танытты. Бұл - Қазақстанның Риодағы бокс бәсекесінде алған алғашқы медалі. 17 тамызда 69 килограмда Данияр Елеусінов финалда өзбекстандық Шахрам Гиясовпен алтын медальды сарапқа салады.

Ал Әділбек Ниязымбетов (81 кг) жартылай финалда, Иван Дычко (+91 кг) ширек финалда бокстасады.

Қазірге дейін Қазақстан құрамасы Рио олимпиадасында екі алтын, үш күміс, төрт қола медаль иеленді.

Бұған дейін ауыр атлетикадан Нижат Рахимов пен жүзуден Дмитрий Баландин алтын алған. Жазира Жаппарқұл (ауыр атлетика) мен Елдос Сметов (дзюдо) күміс медаль еншілеген. Галбадрах Отгонцэцэг (дзюдо), Карина Горичева мен Фархад Харки (екеуі де - ауыр атлетика), Ольга Рыпакова (жеңіл атлетика) қола медаль иеленген.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG