Accessibility links

Балуан Ларионова Рио олимпиадасында қола алды


Екатерина Ларионова Рио олимпиадасындағы жеңісіне қуанып жүр. 18 тамыз 2016 жыл.

Екатерина Ларионова Рио олимпиадасындағы жеңісіне қуанып жүр. 18 тамыз 2016 жыл.

Әйелдер күресінен 63 килограмм салмақта белдескен 22 жастағы қазақстандық балуан Екатерина Ларионова Рио олимпиадасының қола медалін алды.

Ол бірінші айналымда Беларусь балуаны Мария Мамашуктен жеңіліп қалған. Бірақ Мамашук финалға шықты да, Ларионова жұбаныш кездесулері арқылы қолаға таласуға мүмкіндік алды.

Ларионова қола үшін өткен алғашқы кездесуде Хенна Йохансенді (Швеция) 4:1 есебімен жеңді. Одан кейін 2012 жылғы әлем чемпионы Елена Пирожкованы (АҚШ) жауырынын жерге таза тигізіп, белдесуді уақытынан бұрын аяқтады.

Бұл - Қазақстан әйелдер құрамасының Риодағы екінші медалі. Бұған дейін 69 килограмда Эльмира Сыздықова қола алған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG