Accessibility links

Грузия: Парламент сайлауында "Грузия арманы" озды


"Грузия арманы" партиясының жақтастары партияның сайлауда жеңгеніне қуанып тұр. Тбилиси, 8 қазан 2016 жыл.

"Грузия арманы" партиясының жақтастары партияның сайлауда жеңгеніне қуанып тұр. Тбилиси, 8 қазан 2016 жыл.

Грузияның биліктегі "Грузия арманы" партиясы парламент сайлауында жеңіске жетті. Орталық сайлау комиссиясының соңғы мәліметіне қарағанда, бюллетеньдердің түгелге жуығын санағандағы есеп бойынша "Грузия арманы" - 48,6 пайыз дауыс, оппозицияшыл "Біріккен ұлттық қозғалыс" партиясы 27 пайыз дауыс жинаған. Бұл нәтиже партиялық тізім бойынша бөлінетін 150 депутаттық мандаттың 77-сін анықтайды. Қалған 73 депутат бір мандатты округтерде анықталады.

Грузияның сайлауалды заңдардың күрделі екендігіне байланысты парламенттің толық құрамы келесі айдың соңында ғана белгілі болып жасақталады. Орталық сайлау комиссиясының мәліметі бойынша, сайлауға дауыс беру құқығы бар сайлаушылардың 51 пайызы қатысқан.

Халықаралық бақылаушылар сайлау процесін "жақсы ұйымдастырылған" деп, дауыс беру кезінде барлық фундаменталдық еркіндіктер мен тең бәсеке болғанын мәлімдеді. Бірақ бақылаушылар сайлау барысында сайлауалды кампаниясында заңсыз тәсілдер жасалып, күштеу оқиғалары болғаны туралы шағымдар түскенін айтады.

XS
SM
MD
LG