Accessibility links

Кәсіпқой боксшы Қанат Ислам Патрик Аллотейді ұпай санымен жеңді


Кәсіпқой боксшы Қанат Ислам ганалық Патрик Аллотеймен өткізген кездесуден кейін рингте тұр. Алматы, 29 қазан 2016 жыл.

Кәсіпқой боксшы Қанат Ислам ганалық Патрик Аллотеймен өткізген кездесуден кейін рингте тұр. Алматы, 29 қазан 2016 жыл.

Алматыда сенбі, 29 қазан күні кәсіпқой бокстан өткен жекпе-жекте қазақстандық Қанат Ислам ганалық Патрик Аллотейден басым түсті.

"Алматы-Арена" спорт кешенінде 12 раундқа созылған кездесу қорытындысы бойынша төрешілер жеңісті бірауыздан Қанат Исламға берді. Осылайша Қанат Ислам бірінші орта салмақта (69 келі) WBA Fedelatin және WBO Intercontinental белдіктерін иеленді.

32 жастағы Қанат Ислам осымен кәсіпқой рингтегі 22-жекпе-жегін өткізіп, барлығында жеңіске жетті. Ол 19 кездесуді мерзімінен бұрын аяқтаған.

Кездесуден кейін Қанат Ислам "жанкүйерлер менен нокаут күтті. Бірақ қарсыласым бұл кездесуге өте мықты дайындалып шығыпты. Дегенмен, кездесудің 12 раундқа созылуы мен үшін үлкен тәжірибе болды" деді.

Ал Патрик Аллотейдің өзі кездесуден кейін пікір білдіруден бас тартты. Оның бапкері төрешілер шешімін "әділетсіздік" деп бағалады.

25 жастағы ганалық кәсіпқой боксшы Патрик Аллотей 37-жекпе-жегін өткізіп, үшінші рет жеңілді. Ол бұған дейін 34 кездесуінде жеңіске жеткен.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG