Accessibility links

Қазақстандық Ажғалиев шорт-тректен әлем кубогында алтын алды


Шорт-тректен Қазақстан құрамасы.

Шорт-тректен Қазақстан құрамасы.

Шорт-тректен Солт-Лейк-Ситиде (АҚШ) әлем кубогының екінші кезеңі аяқталды. Бұл жарыста қазақстандық Абзал Ажғалиев 500 метрге жүгіруде алтын алды.

Финалда Ажғалиев үшінші келе жатқан. Соңғы елу метрде алдағы екі канадалық спортшы құлап, Ажғалиев бірінші орынға шығып кетті. Күмісті қытайлық Тяню Хан, қоланы канадалық Шарль Амлен иеленді.

Бұған қоса Қазақстан ерлер құрамасы 5000 метрлік эстафетада үшінші орын алды. Алтын мен күмісті Қытай мен Голландия иеленді. Бұл - Қазақстанның шорт-тректен әлем кубогы кезеңінде алған алғашқы медальдары.

Әлем кубогының келесі кезеңі 9-11 желтоқсанда Шанхайда (Қытай) өтеді

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG