Accessibility links

Ақтөбеде мұғалімін балағаттаған оқушыға айыппұл салынды


Мектеп дәлізінде жүрген оқушылар (Көрнекі сурет).
Мектеп дәлізінде жүрген оқушылар (Көрнекі сурет).

Ақтөбеде мұғалімін балағаттаған оқушыға 15 мың теңге көлемінде айыппұл салынды. Бұл туралы Ақтөбе облыстық сотының баспасөз қызметі хабарлайды.

Ақтөбедегі мектептердің бірінің оқушысын мұғалімі сотқа берген. Оған себеп - 10 сынып оқушысы мектеп дәлізінде мұғалім әйелді балағаттаған. Оқушы кәмілетке толмағандықтан жауапкершілікке оның заңды өкілі, яғни анасы тартылған. Баласы бұзақылық жасаған әйел 7 айлық есептік көрсеткішке тең (14 847 теңге) айыппұл төлеуге мәжбүр болған.

"Ақтөбе облысының кәмелетке толмағандар істері жөніндегі мамандандырылған ауданаралық соты оқушының анасын әкімшілік құқықбұзушылық туралы кодекстің 435-бабы ("Кәмелетке толмаған адам жасаған бұзақылық") бойынша жауапқа тартты. Сот шешімі әлі заңды күшіне енген жоқ" деп хабарлайды Ақтөбе облыстық сотының баспасөз қызметі.

435-бап бойынша, он төрттен он алты жасқа дейінгі кәмелетке толмаған адам ұсақ бұзақылық немесе бұзақылық әрекеттерін жасаса, онда айыппұл оның ата-анасына салынады.

XS
SM
MD
LG