Биыл Оразаның аяқталуы 10 сәуірге дөп келді. Бұл күні таңертең Алматы мешіттерінде оқылған айт намазына мыңдаған адам қатысты. Отыз күн ауыз бекіткен жамағат айт намаз оқылып болған соң бір-біріне "Ораза айт құтты болсын!" деп игі тілек айтып, мерекені тойлауға кірісті.
Алматының орталық мешітінде оқылған айт намазына жылдағы әдет бойынша адам көп жиналды. Мешітке сыймағаны сыртқа шығып, ашық аспан астында Аллаға мінәжат қылды.
